E fundit!

16:26 Politikë

Protestat dhe investimi në Zvërnec/ Rama për “France 24”: Ndërhyrje nga Irani dhe rajoni

Kryeministri Edi Rama dha një intervistë për median presti...

Mjeku Allkja këshilla qytetarëve/ Kujdesuni për mushkëritë, antibiotikët komplikojnë situatën

13 Dhjetor 2022, 21:11, Shëndeti CNA

Mjeku Allkja këshilla qytetarëve/ Kujdesuni për

Mjeku Ilir Allkja

Mjeku Ilir Allkja ka dhënë këshilla për qytetarët të kujdesen për mushkëritë nga stina e ftohtë të dimrit, virozat, ndotja ambjentale, grimcat e karbonit në ajër apo duhanpirja.

Allkja nxit qytetarët dhe pacientët që të ndërpresin duhanin dhe rrisin e aktivitetin fizik, në mënyrë që të mund të rrisin kapacitetin respirator dhe performancën e mushkërive.

Në një status në rrjetet sociale, mjeku deklaron se përdorimi rutinë i antibiotikëve shpesh komplikon situatën, mbivendos infeksionet mykotike, rrit reziztencën antimikrobike dhe zvogëlon mundësinë për të trajtuar një infeksion jetëkërcënues.

Këshillat e mjekut Allkja:

Të kujdesemi për mushkëritë!

Stina e ftohtë, virozat, ndotja ambjentale, grimcat e karbonit në ajër, duhanpirja, etj., shkaktojnë probleme të shumta e të ndryshme në rrugët tona të frymëmarrjes.

Janë plot individë që kanë probleme kronike në mushkëri, pasojë edhe nga infeksioni i Covid-19, i cili në disa raste ka lënë pasoja që do të zgjasin gjithë për gjithë jetën, të tilla si bronkite kronike, bronkoektazi, fibrozë pulmonare, pleurite, etj., të cilat reduktojnë kapacitetin respirator, ulin performancën fizike të organizmit, rëndojnë sistemin kardiovaskular, etj.

Mjeku Allkja këshilla qytetarëve/ Kujdesuni për

Problemet e mushkërive karakterizohen nga një ose disa simptoma të vazhdueshme të frymëmarrjes të tilla si: kollë, sekrecione me ngjyrë, vështirësi në frymëmarrje, frymëmarrje me zhurmë, çrregullime gjumi, etj.

Në sëmundjet kronike të mushkërive mund të përfshihen edhe faktorë gjenetikë dhe infeksione të përsëritura të frymëmarrjes.

Më ndodh të trajtoj shpesh pacientë që kanë kaluar Covid-19, të cilët kanë zhvilluar edhe shumë simptoma ekstra pulmonare, të tilla si lodhje kronike, mungesë oreksi, humbje të peshës të cilat lidhen me përkeqësimet e sëmundjes për shkak të infeksioneve bakteriale dhe virale të cilat shpeshtohen.

Unë i nxis miqtë e mi, sidomos pacientët që të ndërpresin duhanin dhe rrisin e aktivitetin fizik, në mënyrë që të mund të rrisin kapacitetin respirator dhe performancën e mushkërive.

Mjekimi me suplemente bimorë, bronkodilatorë dhe me barna anti-inflamatore (të përdorura të kombinuara ose vetëm) janë terapitë kryesore të disponueshme.

Përdorimi rutinë i antibiotikëve shpesh komplikon situatën, mbivendos infeksionet mykotike, rrit reziztencën antimikrobike, zvogëlon mundësinë për të trajtuar një infeksion jetëkërcënues./ B.A. - CNA.al