E fundit!

11:39 Aktualitet

Rama ka ndërhyrë për Ballukun?/ Braho-opozitës: Paraqitini provat në SPAK

Deputetja Elda Hoti në Komisionin për Nismat Qytetare ka d...

Problemet gjuhësore dhe procesi akademik tek adoleshentët

10 Dhjetor 2022, 19:52, Shëndeti Lira Gjika

Problemet gjuhësore dhe procesi akademik tek adoleshentët

Foto ilustruese

Periudha e rritjes dhe zhvillimit, e cila njihet si adoleshenca, fillon midis moshës 11-12 vjeç dhe vazhdon deri në 18-21 vjeç (në Europën perëndimore).

Gjatë kësaj periudhe ndodhin ndryshime te rëndësishme psikologjike, emocionale, social dhe edukative. Në këtë fazë të jetës gjuha ose merr zhvillim dhe pasurohet, ose nuk ndryshon dhe mbetet e varfër. Ndryshimet në gjuhë janë të lidhura dhe të ndikuara nga ambjenti ku adoleshenti zhvillohet. Kur adoleshenti përdor gjuhë të varfër, ai është pre e risqeve të ambjentit ku bën pjesë.

Gjithashtu studimet tregojnë që problemet gjuhësore, ndikojnë në marrëdhëniet akademike, profesionale apo sociale. Adoleshentët me probleme gjuhësore zakonisht kanë rezultate të ulëta në shkollë dhe kjo kuptohet fare lehtë, pasi aftësitë gjuhësore e ndihmojnë adoleshentin të rrisi ose jo aftësitë akademike.

Adoleshentët me probleme gjuhësore kanë vështirësi si në letërsinë po ashtu edhe në matematikë. Problemet socio-emocionale janë një tjetër problem shumë i madh për adoleshentët me problem gjuhësore. Këto probleme janë vërejtur tek vështirësia, që kanë këta adoleshentë për të mbajtur të qëndrueshme marredheniet me të tjerët.

Ka disa tregues, të cilat lënë të kuptosh vështirësin e tyre me rregullatorin e emocioneve, si përshembull, aftësitë psiko-sociale të cilat afektojnë marrëdhëniet personale, e cila i çon në ulje të stimës për vete. Në një studim të bërë për problemet e sjelljes, u konstatua se këta adoleshentë kanë tendencën të kënë vështirësi në marrëdhënie me moshatarët dhe sidomos në aftësinë për të patur dhe mbajtur shokë.

Ndërsa në një grup tjetër të studiuar me adoleshentë, u konstatua diferenca ndërmjet adoleshentëve me aftësi gjuhësore shumë të mira, që në fëmijërinë e hershme dhe ata me probleme gjuhësore, këta të fundit braktisnin shkollën për arësye të sjelljes së keqe. Pra siç është konstatuar edhe nga studimi ata adoleshentë që kanë nivel gjuhësor të ulët bëhen pre e problemeve dhe e grupeve problematike.