web counter
LEXO PA REKLAMA!

SHKARKO APP

App Store
Google Play

E fundit!

x

Manastirliu, në Durrës/ "Fuqizojmë rrjetin e aparaturave të teknologjisë së lartë"

11 Dhjetor 2022, 10:37, Shëndeti CNA
Manastirliu, në Durrës/ "Fuqizojmë rrjetin e aparaturave
Ogerta Manastirliu

Manastirliu e shoqëruar nga Ministrja e Shtetit për Standardet e Shërbimeve Milva Ekonomi kanë inspektuar Spitalin Rajonal të Durrësit, për të parë nga afër investimet në aparaturat e teknologjisë së lartë, që i janë shtuar këtij spitali.


Aparatura e re e matjes së dendësisë kockore (DEXA) dhe grafia e re digjitale janë dy prej investimeve të fundit në Spitalin Rajonal Durrës.

Duke folur për fuqizimin me aparatura të teknologjisë së lartë të spitaleve dhe poliklinikave, Manastirliu u shpreh: “Janë mbi 4 milionë euro të investuara në drejtim të fuqizimit të gjithë shërbimeve të radiologjisë ne vend. Të gjitha pajisjet janë të fjalës së fundit të teknologjisë, duke nisur nga 4 skanera të rinj të instaluar në Spitalet Universitare dhe Spitalet Rajonale të vendit. Gjithashtu 18 grafi digjitale të cilat janë të instaluara qoftë në Poliklinika, qoftë në Qendra Shëndetësore 24-orëshe, por edhe në spitalet tona”.


Një tjetër shërbim me aparatura të reja në Spitalin e Durrësit është edhe ai i Okulistikës. Ministrja Manastirliu foli për zgjerimin e shërbimit të lenteve falas në spitalet rajonale.


“Ne kemi bërë të mundur që më shumë se 2800 të moshuar kryesisht, të përfitojnë paketën e kataraktës dhe lentet falas. QSUT-ja nuk është tashmë e vetmja qendër që e ofron këtë shërbim. Tani e bën Vlora e bën Durrësi, Elbasani dhe gjithashtu Korça kemi filluar, sepse edhe aty kemi investuar në pajisje të reja”- tha Manastirliu.


Duke folur për vijimin e investimeve në poliklinika, Ministrja Manastirliu tha se me buxhetin e vitit 2023 do të fillojë rehabilitimi i poliklinikave në spitalet rajonale të Elbasanit dhe Shkodrës si edhe do të finalizohet rikonstruksioni për poliklinikat e Gjirokastrës dhe Dibrës./CNA.al





Lajmet e fundit nga