Çfarë duhet të dini për lëngun e qershisë dhe gjumin

22 Nëntor 2022, 18:49, Shëndeti CNA

Çfarë duhet të dini për lëngun e qershisë dhe

Foto ilustruese

Një gjumë i mirë gjatë natës është thelbësor për një shëndet të mirë, por për shumë amerikanë mbetet i paplotësuar.

Qendrat për Kontrollin dhe Parandalimin e Sëmundjeve thonë se më shumë se një e treta e të rriturve në SHBA nuk flenë mjaftueshëm. Por tani ekziston një truk i TikTok që po qarkullon gjerësisht në mediat sociale duke pretenduar se një gotë me lëng qershie para gjumit ju ndihmon të bini në gjumë më shpejt.

Lëngu i qershisë njihet për vetitë e tij për të nxitur gjumin, veçanërisht lëngu i bërë nga qershitë “Montmorency”. Hulumtimet kanë zbuluar se rrit nivelet e melatoninës në trup dhe përmirëson gjumin. Sipas ËebMD , lëngu i qershisë është i lartë në kalori, kështu që ngrënia e qershive në vend të pirjes së lëngut të tyre mund të jetë një mënyrë më e shëndetshme për të rritur nivelet e melatoninës.

Dr Shelby Harris, një psikologe thotë se melatonin është një hormon natyror në trup që ndihmon në kontrollin e gjumit.

“Melatonina në lëngun e qershisë së thartë mund t'ju ndihmojë të bëni gjumë më të mirë nëse herë pas here kaloni një natë të keqe, por nuk është kura për pagjumësinë kronike siç e bëjnë shumë njerëz” është shprehur ajo.

Harris thotë se nëse dëshironi të provoni të pini lëng qershie për t'ju ndihmuar të flini, pini një gotë para gjumit. Por nuk duhet tepruar me sasinë është shprehur ajo. Mënyra më e mirë për të siguruar një gjumë të mirë gjatë natës është qëndrueshmëria.

“Të shkosh në shtrat dhe të zgjohesh në të njëjtën kohë çdo ditë është e rëndësishme për të ruajtur ritmin tënd cirkadian dhe për të të ndihmuar në një gjumë më cilësor gjatë natës”, thotë Harris, i “Përpiquni të mbani sa më konsistente kohën e gjumit dhe zgjimit, dhe mos e zgjatni kohën e zgjimit më shumë se 90 minuta nëse është e nevojshme.”

Kufizoni kohën para ekranit para gjumit dhe shmangni ekspozimin ndaj dritës blu nga telefonat celularë, kompjuterët, tabletët dhe televizorët, të cilat mund të ndërhyjnë në ritmin tuaj cirkadian, duke e bërë të vështirë të bini në gjumë dhe duke përkeqësuar cilësinë e gjumit./ CNA.al