web counter
LEXO PA REKLAMA!

SHKARKO APP

App Store
Google Play

E fundit!

x

Dhëmbët dhe zemra, cila është lidhja mes të dyjave

20 Shtator 2024, 21:44, Shëndeti CNA
Dhëmbët dhe zemra, cila është lidhja mes të dyjave
Foto ilustruese

Të gjithë ekspertët e shëndetit tregojnë se ekziston një lidhje mes shëndetit të gojës dhe atij të zemrës.

Por studiuesit janë të mendimit se ka akoma vend për kërkime mbi faktin se mirëmbajtja e dhëmbëve ndikon drejt për drejtë ndaj parandalimit të sëmundjeve kardio-vaskulare dhe problemeve të zemrës në tërësi.

Debati për përkujdesjen e keqe ndaj shëndetit të gojës si një shkaktar kryesor i sëmundjeve të zemrës, vazhdon të jetë i hapur ndaj AgroWeb.org ju sjell një vlerësim të plotë të situatës.

Studimet e mëparshme

Në 2012, ekspertët dhe studiuesit dolën në përfundimin përmes të dhënat shkencore se një higjienë jo e mirë e gojës nuk rezultonte në një përkeqësim të dukshëm të shëndetit të zemrës.

Dhe kurimi i sëmundjeve të ndryshme të mishrave të dhëmbëve, nuk parandalonte sëmundjet serioze të zemrës.

Të dhënat e fundit shkencore

Gjithsesi, shumë studime të mëvonshme të konsultuara nga AgroWeb.org tregojnë një lidhje konkrete mes periodontozës (sëmundje e mishrave të dhëmbëve) dhe sëmundjeve të tjera, përfshirë këtu dhe problemet serioze të zemrës.

Kërkimet sugjerojnë se periodontoza shoqërohet me një rritje të rrezikut ndaj sëmundjeve kardio-vaskulare.

Dhëmbët dhe zemra, cila është lidhja mes të dyjave
Foto ilustruese

Njerëzit me sëmundje kronike të mishrave të dhëmbëve, raporton AgroWeb.org, vuajnë gjithashtu nga një ngushtim i venave të gjakut  që ndodhen në qafë, të cilat ndikojnë direkt në zemër.

Ka dhe një tjetër lidhje shumë të fortë mes diabetit e sëmundjeve të zemrës dhe provave se ata që vuajnë nga diabeti kanë një përmirësim kur kanë kryer një pastrim profesional tek dentisti.

Si ta mirëmbajmë shëndetin e gojës?

Dhe pse higjiena e gojës nuk është pika kyçe e parandalimit të sëmundjeve të zemrës, AgroWeb.org këshillon se mbetet shumë e rëndësishme mirëmbajtja e saj:

Lani dhëmbët të paktën dy herë në ditë.

Pastroni dhëmbët me fill dentar.

Zëvendësoni furçën e dhëmbëve çdo tre muaj, ose sapo qimet e saj të fillojnë të përkulen.

Caktoni një vizitë të rregullt me dentistin tuaj.

Dhe nëse jeni të shqetësuar për parandalimin e sëmundjeve të zemrës, komunikoni me mjekun tuaj për mënyrat më të mira, siç janë lënia e duhanit apo mbajtja e një peshe të shëndetshme./ AgroWeb





Lajmet e fundit nga