E fundit!

14:03 Politikë

Kur do të votohen në PD Gaz Bardhi dhe Agron Gjekmarkaj?

Dje është zhvilluar mbledhja e e dytë e Këshillit Kombëtar...

Kundër reumatizmit/ Si të përgatisni dhe përdorni pluhurin e trëndafilit të egër

5 Shtator 2024, 09:05, Shëndeti CNA

Kundër reumatizmit/ Si të përgatisni dhe përdorni pluhurin e

Foto ilustruese

Në Shqipëri, rastet e pacientëve që vuajnë nga reumatizmi janë në rritje duke prekur edhe moshat nën 30 vjeç. Shkak është stili i keq jetesës dhe kequshqyerja.

Reumatizmi është një sëmundje që ka të bëjë me dëmtimin e kyçeve të trupit, të cilat në çdo lëvizje të trupit shkaktojnë dhimbje.

Mjekët deklarojnë se një regjim i dobët ushqimor dhe mungesa e aktivitetit fizik janë dy faktorët kryesorë që sjellin problemet me kyçet.

Shumë studime të mirënjohura mjekësore, të cilave u referohet AgroWeb.org kanë dalë në përfundimin se përdorimi i trëndafilit të egër në formën e pluhurit apo pudrës redukton në 90% rastet e dhimbjeve nga reumatizmi.

Trëndafili i egër konsiderohet si një nga bimët medicinale më të mira për sa i përket lehtësimit të dhimbjeve të reumatizmës duke ndikuar në shëndetin e kockave dhe forcimin e tyre.

AgroWeb.org sjell më poshtë një kurë efikase, fort të vlerësuar nga mjekët, për largimin e dhimbjeve nga reumatizmi.

Pluhuri i trëndafilit të egër/ Përgatitja dhe doza ditore

Pluhurin e trëndafilit të egër mund ta gjeni në farmaci si suplement, në dyqanet organike, por mund ta përgatisni edhe vetë.

Mjafton që të keni një sasi të konsiderueshme trëndafilash të egër, të cilët duhet të jenë të thatë.

Shtypini ato fort në një havan guri (enë e posaçme guri për të bluar erëza) dhe më pas kalojini në një sitë kuzhine për të përftuar pluhurin.

Sipas të dhënave të AgroWeb.org, doza ditore e rekomanduar për përdorimin e pluhurit të trëndafilit të egër është 5 gramë në ditë.

Rekomandohet që të përdoret për 1 deri në 3 muaj dhe mund ta konsumoni të shkrirë në një gotë me pak ujë ose direkt duke e gëlltitur.

Megjithatë përdorimi i trëndafilit të egër pluhur për reumatizmin si dhe doza e tij nuk duhet marrë pa u konsultuar më parë me mjekun.

Çfarë tregojnë studimet?

Nga një eksperiment i zhvilluar në Britaninë e Madhe nga Institutiti Për Kërkimet Shkencore ndaj Sëmundjeve Reumatizmale, të dhënat e të cilit i disponon AgroWeb.org, ka rezultuar se pacientët me osteoporozë, tri javë pas përdorimit të suplementeve me trëndafil të egër patën një përmirësim të dukshëm në reduktimin e inflamacionit të kyçeve dhe dhimbjeve të tyre.

Bazuar në këto rezultate, ekspertët rekomanduan përdorimin e suplementeve të trëndafilit të egër pluhur për pacientët që vuajnë nga artriti për një periudhë 1 deri 3-mujore./AgroWeb.org