web counter
LEXO PA REKLAMA!

SHKARKO APP

Për herë të parë në Shqipëri/ Kryhet me sukses ndërhyrja komplekse me Kirurgji endoskopike

4 Shtator 2024, 20:37, Shëndeti CNA
Për herë të parë në Shqipëri/ Kryhet me sukses
Dr. Alfred Aga

Në Spitalin Hygeia u trajtua me sukses, për herë të parë në Shqipëri me Kirurgji endoskopike, rasti i rrallë dhe tepër i ndërlikuar i pacientes me Tumor të Kavitet Nazal, me interesim (prekje) të cipës së trurit.

Pacientja e diagnostikuar me Tumor të kavitetit Nazal, por që kishte edhe interesim (prekje) të cipës së trurit, rast ky tepër i rrallë, u mor përsipër të trajtohej nga kirurgu i ekselencës në fushën e patologjive të ORL-së, Dr. Alfred Aga, trajtim i cili do të kryhej me anë të kirurgjisë ensdoskopike, pra gjithçka do të realizohej nëpërmjet hundës.

Pavarësisht kompleksitetit dhe vështirësisë së ndërhyrjes, gjithçka rezultoi me sukses të plotë, falë profesionalizmit dhe eksperiencës së dr. Alfred Aga dhe ekipit të mjekëve e infermierëve në sallë.

Përkatësisht, u arrit të hiqej e gjithë masa tumorale në kavitetin e hundës së bashku me bazën kraniale (pjesa që ndan trurin me hundën) me cipën e trurit si dhe një pjesë të nervit të nuhatjes, duke qënë që ky nerv ishte edhe origjina e sëmundjes, kjo me qëllimin e vetëm për të evituar dhe parandaluar rikthimin e sëmundjes.

Më pas, mjeku ka realizuar edhe një rindërtim të të gjithë zonës ku është hequr masa tumorale duke përdorur materiale të marra nga trupi i vetë pacientes.





Lajmet e fundit nga