web counter
LEXO PA REKLAMA!

SHKARKO APP

App Store
Google Play

A duhet të alarmohemi nga temperatura e lartë

1 Shtator 2024, 16:11, Shëndeti Dr. Ilir Allkja
A duhet të alarmohemi nga temperatura e lartë
Foto ilustruese

Si fillim duhet të dimë që temperatura e lartë është një reagim mbrojtës i trupit kundër infeksioneve që na prekin, prandaj duhet ta konsideroni temperaturën si një mik.

Trupi përmes mekanizmave të tij mbrojtës, rrit temperaturën e tij për të frenuar infeksionin si dhe për të stimuluar sistemin imunitar.

Në temperaturat e larta, pengohet rritja e viruseve, baktereve apo patogenëve të tjerë. Prandaj ka rëndësi të kuptoni mekanizmin natyror mbrojtës të trupit dhe të mos t'a ndërprisni atë.

Kur fillojmë të marrim barnat që ulin temperaturën 3-4 herë në ditë, ne nuk po e lëmë trupin tonë të funksionojë për të na mbrojtur, si pasojë ngarkesa virale do të rritet dhe në disa raste bëhet fatale.

Mjafton të kujtoni peridhën e kovidit; përdorimi pa kriter i barnave dëmtuan afatgjatë të sëmurët, dhe sot në Tiranë ka plot individë që po vuajnë pasojat .

Sigurohuni që të merrni ilaçe kundër temperaturës (antipiretikë) vetëm nëse temperatura është shumë e lartë >>38.5?C.

Mos shkoni të blini antibiotikë e antipiretikë direkt në farmaci, pasi në vend të ndreqni do të prishni.

Kontaktoni një mjek me përvojë para se të merrni ilaçe!

Mendoni së pari që t'i bëni pyetjet e duhura vetes.

- A është virusi problemi i vërtetë, apo trupi juaj është dobësuar?

Nëse është dobësuar trupi juaj, atëherë ka më shumë vlerë të punoni në rindërtimin e një organizmi të fortë, sesa të investoni në helmimin e tij me ilaçe, shpesh herë të dëmshme.

Ekziston një industri e madhe farmaceutike e mjekësore që po bën para të madhe këto kohë, sepse ne të gjithë jemi të prekshëm.





Lajmet e fundit nga