E fundit!

13:13 Opinione Eduard Halimi

Si ta kuptojmë atë që po ndodh në Aeroportin e Vlorës?

Si ta kuptojmë atë që po ndodh në Aeroportin e Vlorës/ 7 K...

Yndyra në bark/ Pesë mënyra për ta hequr qafe atë

25 Gusht 2024, 18:14, Shëndeti CNA

Lëvizni sa më shumë që të mundeni

Vrapimi, çiklizmi, noti dhe çdo gjë tjetër që rrit rrahjet e zemrës tuaj dhe ju bën të djersitni gjithashtu ndihmon në reduktimin e yndyrës së brendshme. Përveç kësaj, trajnimi me intensitet të lartë është një mënyrë e mirë për të reduktuar yndyrën në të gjithë trupin, duke përfshirë edhe barkun. Ky lloj ushtrimi ndihmon në djegien e kalorive gjatë stërvitjes dhe ndryshimin e përbërjes së trupit, duke rritur masën muskulore. Gjithashtu, pushimet e shpeshta dhe të shkurtra gjatë stërvitjes dhe veçanërisht gjatë vrapimit janë të rëndësishme për humbjen e yndyrës.

Hani më shumë proteina

Mishi pa dhjamë dhe peshku janë të mbushura me proteina, ndërsa proteinat me bazë bimore si fasulet dhe thjerrëzat janë një zgjedhje edhe më e mirë, pasi ato gjithashtu ofrojnë fibra dhe karbohidrate komplekse. Ndryshimet e vogla në përbërjen e dietës, pra rritja e proteinave dhe përkatësisht reduktimi i karbohidrateve është metoda e aplikuar nga disa dietologë për të aktivizuar humbjen e peshës.

Kushtojini vëmendje sa dhe sa mirë flini

Studimet thonë se gjumi është shumë i rëndësishëm në uljen e perimetrit të belit. Një studim i vitit 2017 tregoi se pjesëmarrësit që flinin gjashtë orë çdo natë kishin mesatarisht 3 cm perimetër më të madh të belit sesa ata që flinin nëntë orë. Orari i gjumit është gjithashtu i rëndësishëm për reduktimin e yndyrës në bark, siç tregohet nga nivelet më të ulëta të yndyrës së trupit të grave që shkonin në shtrat dhe zgjoheshin në të njëjtën kohë çdo ditë. Hulumtime të tjera kanë vërtetuar se edhe 1 natë pa gjumë të mjaftueshëm mund të ndikojë në metabolizmin e njeriut.

Konsumoni fibrat e tretshme

Ngrënia e sa më shumë fibrave të tretshme kontribuon në një ndjesi më të madhe të ngopjes, duke parandaluar kështu ngrënien e tepërt. Ushqimet e pasura me fibra si perimet dhe drithërat ngadalësojnë tretjen dhe ndihmojnë në menaxhimin më të mirë të peshës. Një studim i publikuar në Obesity zbuloi se njerëzit që rritën marrjen e fibrave të tretshme me 10 gram në ditë reduktuan yndyrën e brendshme me 3.7% gjatë pesë viteve. Pjesëmarrësit që kryen njëkohësisht ushtrime të moderuara përjetuan një reduktim prej 7.4% të yndyrës viscerale gjatë të njëjtës periudhë kohore.

Shmangni darkën e rëndë

Jepini trupit tuaj mundësinë dhe kohën për të kryer procesin e tretjes në qetësi, duke shmangur një darkë të rëndë në orët e vona të ditës dhe është e sigurt që një nga vendet e para në trupin tuaj për të vënë re ndryshimin është barku juaj./ CNA