web counter
LEXO PA REKLAMA!

SHKARKO APP

App Store
Google Play

Studimi: Përdoruesit e rregullt të alkoolit mbi 60 vjeç kanë rrezik më të lartë të humbin jetën

16 Gusht 2024, 20:07, Shëndeti CNA

Studimi: Përdoruesit e rregullt të alkoolit mbi 60 vjeç

Një studim i publikuar së fundmi ka zbuluar të dhëna të rëndësishme.

Njerëzit mbi 60 vjeç që pinë alkool rregullisht kanë rrezik më të lartë të ndërrimit të jetës, për shkak të tumorit ose problemeve që lidhen me zemrën dhe enët e gjakut. 

Kjo gjetje ishte rezultat i studimit të madh, të publikuara nga gazeta “JAMA Network Open” e Shoqatës Mjekësore Amerikane.

Ekspertët kanë mbledhur të dhënat e më shumë se 135 mijë personave, të përfshirë në dhjetëra studime, që jetonin në Mbretërinë e Bashkuar.

Mosha mesatare e personave të përfshirë në studim ishte 64 vjeç.

Studiuesit krahasuan rezultatet shëndetësore të 12 viteve për konsumuesit e rrallë të alkoolit dhe për konsumuesit e përditshëm të alkoolit, qoftë edhe në sasi të vogël.

Ekspertët e shëndetësisë evidentuan se çdo sasi e konsumit të alkoolit është e lidhur me rreziqe të rëndësishme shëndetësore.

Studimi: Përdoruesit e rregullt të alkoolit mbi 60 vjeç

Rreziqet më të mëdha shëndetësore u panë mes atyre që pinin alkool rregullisht.

Grupi me rrezik të lartë përfshinte burra që pinin mesatarisht rreth tri pije në ditë ose më shumë, dhe gra që pinin mesatarisht rreth një pije e gjysmë në ditë ose më shumë.

Kush pinte çdo ditë alkool kishte 33% rrezik më të lartë të ndërronte jetë në moshë më të hershme, 39% rrezik më të lartë të ndërronte jetë nga tumori dhe 21% rrezik më të lartë të ndërronte jetë nga problemet me zemrën dhe enët e gjakut.

Nga ana tjetër, ata që pinin një pije alkoolike ose më pak në ditë, kishte 11% rrezik më të lartë të humbjes së jetës nga tumori.

Megjithatë, përdoruesit e alkoolit në tërësi kishin rrezik për më shumë probleme shëndetësore sesa personat që nuk pinin alkool./ CNA





Lajmet e fundit nga