web counter
LEXO PA REKLAMA!

SHKARKO APP

E fundit!

x

Zjarret në vend/ Berisha: Shkatërrimet, krim shtetëror

18 Gusht 2025, 12:54, Politikë CNA

Zjarret në vend/ Berisha: Shkatërrimet, krim shtetëror

Kreu i PD-së, Sali Berisha, në një konferencë për mediat, i ka quajtur krim shtetëror shkatërrimet që kanë ardhur nga zjarret.

Sipas Berishës, Shqipëria u gjet e çarmatosur gjatë rënies së zjarreve.

“Dënoj si një krim shtetëror propagandën e neveritshme mashtruese të narkoqeverisë, e cila bënte fjalë për dhjetëra mijëra forca të angazhuara në një kohë që nga fushëbeteja gazetarët informonin se atje numëroheshin me gishtërinjtë e duarve zjarrfikësit apo forca të tjera në shuarjen e zjarreve.

Sot jam këtu për të qartësuar shqiptarët se pse shkatërrimet e këtyre zjarreve janë një krim i vërtetë shtetëror, janë një krim shtetëror për arsye se në mënyrë të papërgjegjshme për shkak të korrupsionit, vjedhjes indiferencës dhe injorancës Shqipëria u gjet e çarmatosur.

Shqipëria pësoi djegie me përmasa dy deri në tri herë më shumë se rajoni. Çdo vend ishte shumë më i përgatitur se Shqipëria në betejën kundër zjarreve.

Flota ajrore ekzistuese ndër vite u përgjysmua nga 8 helikopterë, sot nuk janë në funksion as tre. Ndërkohë është krim shtetëror se Edi Rama për udhëtimet e veta me avion në dispozicion ka shpenzuar në dy vite 24 milionë euro”, tha Berisha./ CNA





Lajmet e fundit nga