web counter
LEXO PA REKLAMA!

SHKARKO APP

App Store
Google Play

Zgjedhjet vendore/ Rama me porosi për drejtuesit e qarqeve

26 Maj 2025, 19:03, Politikë CNA

Zgjedhjet vendore/ Rama me porosi për drejtuesit e qarqeve

Kryeministri Edi Rama gjatë takimit me kandidatët fitues të 11 Majit bëri publike disa pika të punës së tyre pas marrjes së mandatit të katërt për qeverisje.

Një nga pikat e parashtruara nga Rama që ishte si një porosi për drejtuesit e qarqeve ishte të përgatisnin hartat e veprimit për zhvillimin e qarqeve dhe të nisin punën për zgjedhjet e ardhshme vendore.

“Na duhet një volum pune i konsiderueshëm për në shtator dhe po prek shumë përciptas disa pika që t’i pasurojmë më tej.

Akademia politike të krijojë një sesion të posaçëm për të gjithë deputetët që do të hyjnë për herë të parë në Kuvend.

Duhet të organizojmë disa mbledhje për ne 1 apo 2 ditore në Tiranë dhe jashtë saj me grupe interesi për suksesin e mandatit të katërt ku do të ulemi shtruar dhe do të përpiqemi të marrim vesh sa më shumë që të kuptojmë se sa, ku, si duhet të vetëkorrigjohemi, me inovacionin me fermerët. Lista është e hapur me propozime është një kohë e artë dhe është nevojë jetike që të dëgjojmë njerëzit që jetojnë përditë me problematikat që mundohemi t’i zgjidhim nga larg, ta bëjmë shterues.

Nën udhëheqjen e drejtuesve të qarqeve duhet të nisim përgatitjen e hartave të veprimit për zhvillimin e qarqeve dhe të nisim punën për zgjedhjet e ardhshme vendore.

Ky mandat nuk është një piedestal por një përgjegjësi, për tu marrë me përkushtim të madh.

Këto mandate nuk janë për të treguar se kush jemi ne por se kush do të jetë Shqipëria në BE”, tha Rama./ CNA





Lajmet e fundit nga