web counter
LEXO PA REKLAMA!

SHKARKO APP

App Store
Google Play

“E prisja këtë rezultat”/ Sula: Më mori në celular Noka dhe i garantova të merrja mbi 10 mijë vota

26 Maj 2025, 15:16, Politikë CNA

“E prisja këtë rezultat”/ Sula: Më mori në

Deputeti i Partisë Demokratike, Dashnor Sula, deklaroi sot se i garantoi PD-së se do merrte mbi 10 mijë vota nëse do të garonte si kandidat për deputet për Peqinin, pjesë e Qarkut Elbasan. I ftuar në një studio televizive, Sula komentoi zgjedhjet parlamentare të 11 majit, teksa u shpreh se e priste këtë rezultat.

Sula kritikoi duke thënë se lista e mbyllur e PD nuk prodhon vota, se ka figura të konsumuara.

“Nuk kam qenë as në listë të hapur dhe as në listë të mbyllur të PD-së. Më mori në celular Flamur Noka. I kërkova që të jem në Peqin dhe i garantova që do merrja mbi 10 mijë vota. Përfundoi Peqini me 2300 vota dhe në Belsh me 1.500 vota. Kam votuar për person, nuk kam votuar për parti. E prisja këtë rezultat. E kam paralajmëruar më 26 korrik 2024, e kam thënë në parlament, kam thënë Rama i ke zgjedhjet i ke të fituara dhe rrezikon që të fitosh zgjedhjet me shumicë të cilësuar. Kjo ndodhi për një Kod mizerabël, që e bëri edhe Sali Berisha me njerëzit rreth tij. Lista e mbyllur e PD nuk prodhon vota, se kanë figura të konsumuara. Ti mund të humbasësh ndeshjen 1:0, por kur e humb 5:0 a 10:0 në futboll atëherë nuk ke çfarë të kërkosh, se ke ekip të dobët”,-tha Sula./CNA

 

 

 





Lajmet e fundit nga