web counter
LEXO PA REKLAMA!

SHKARKO APP

App Store
Google Play

E fundit!

x

PD kërkon mandatin e Alimehmetit/ Agron Shehaj: Përpjekje e dëshpëruar, askush nuk do t’a rrëmbejë

26 Maj 2025, 17:52, Politikë CNA
PD kërkon mandatin e Alimehmetit/ Agron Shehaj: Përpjekje e
Agron Shehaj

PD po planifikon të bëjë një kërkesë në lidhje me votat e shpallura të pavlefshme në Tiranë për të marrë kështu mandatin për Ilir Alimehmetin.

Pas këtij plani tashmë të bërë publik nga ana e PD-së, ka reaguar kreu i Partisë Mundësia Agron Shehaj.

Shehaj përmes një postimi në rrjetet sociale, shkruan se Mundësia ka marrë dy mandate të padiskutueshme dhe askush nuk do të mund t’i rrëmbejë.

Ai e quan këtë një përpjekje të dëshpëruar nga partitë e vjetra që nuk duan të ndryshojnë.

Shehaj shkruan se ajo që duan të bëjnë është një grabitje.

“Dy mandate. Dy votëbesime. Të ndershme. Të padiskutueshme. Dhe askush nuk do t’i rrëmbejë. Askush.

Ajo që po përpiqen të bëjnë është një grabitje. Një tjetër përpjekje e dëshpëruar nga partitë e vjetra që nuk duan të ndryshojnë.

Nuk mund të bërtasësh për farsë zgjedhore, dhe pastaj të vjedhësh një mandat në tavolinë. Kjo është hipokrizi. Dhe nuk do të ndodhë!

E kemi thënë më parë dhe po e themi sërish: votat tuaja nuk preken. Çdo votë për Partinë Mundësia është një votë për ndryshimin, dhe nuk do të preket, nuk do të tjetërsohet, nuk do të vidhet”, shkruan Agron Shehaj./ CNA





Lajmet e fundit nga