web counter
LEXO PA REKLAMA!

SHKARKO APP

App Store
Google Play

Zgjedhjet vendore 2023/ Veliaj: Jemi gati përballë çdo kundërshtari

22 Shtator 2022, 10:54, Politikë CNA

Zgjedhjet vendore 2023/ Veliaj: Jemi gati përballë çdo

Kryetari i Bashkisë së Tiranës Erion Veliaj shprehet se është gati për zgjedhjet vendore 2023.

Në një intervistë për Klan News ai  ka  deklaruar se është gati që të përballet me kundërshtarët e tij politikë në zgjedhjet e ardhshme vendore.

Sipas tij strategjia që ai ka zgjedhur bashkë me kryeministrin dhe ministrat është puna e përditshme.

“Fushata e përditshme si e kryeministrit, si e imja dhe e gjithë anëtarëve të qeverisë vazhdon në çdo moment. Në çdo moment jemi duke punuar jo se ka fushatë, por kështu kemi filluar çdo ditë. Pra, ritmi i punës së Bashkisë së Tiranës ka qenë i përditshëm dhe kur ka pasur pandemi, kemi qenë për dezinfektim, për të çuar ushqime, për të çuar ilaçe, dhe kur ishte tërmeti pavarësisht se kishte lëkundje, stafi i emergjencave dhe zjarrfikësit, ata që u morën me vlerësimet e objekteve kanë qenë aty. Për ne se është ditë, se është natë, se është dimër, se është verë, se është fushatë, se është një vit normal, kemi punuar me të njëjtin ritëm.

Unë besoj se strategjia që të shërbejmë me përulësi, me këmbë në tokë dhe t’i përgjigjemi nevojave të emergjencave të momentit pavarësisht rrethanave besoj se është strategjia më e mirë. Kushdo që të jetë kundërshtari, kurdo që të caktohet data nga presidenti, ne jemi gati që të vazhdojmë të shërbejmë”, ka thënë Veliaj./CNA.al





Lajmet e fundit nga