LEXO PA REKLAMA!

SHKARKO APP

Zëdhënësja e fushatës së Këlliçit ngre “alarmin”: Votuesit marrin fletë votimi me shenjë

14 Maj 2023, 12:47, Politikë CNA

Zëdhënësja e fushatës së kandidatit të koalicionit ‘Bashkë Fitojmë’ për Bashkinë e Tiranës, Belind Këlliçit, Silvi Bardhi, ka bërë një denoncim lidhur me zgjedhjet në vend.

Ajo tha se votuesit po marrin fletë votimi me shenjë. Ajo kërkoi që KQZ-ja dhe Policia e Shtetit të merrnin masa, ndërsa bëri thirrje që qytetarët të dalin masivisht në votime.

DENONCIMI I ZËDHËNËSES PËR BASHKINË TIRANË, SILVI BARDHI:

Ka një prezencë të pajustifikuar njerëzish këtu, që nuk janë as votues, as pjesë e procesit. Janë thjesht në rolin për të bërë presion, e ndikuar votuesit.

Po ashtu, kemi informacion se drejtoresha e Veliajt, Zhaneta Beqiri, po kërcënon komisionerët e opozitës te shkolla “Luigj Gurakuqi”. I kërkojmë KQZ-së dhe Policisë së Shtetit të ndërhyjë menjëherë, e të sjellin normalitetin te këto qendra votimi.

Kemi raportime për fshirje të bojës, ose për vendosje shenjash në fletë votimi të atyre që njihen si votues demokratë. Shkelje të rënda dhe këto, për të cilat KQZ duhet të marrë masa. U bëjmë thirrje qytetarëve të Tiranës të mos ndikohen nga këto tentativa të Rilindjes, opozita do të ruajë çdo votë, do të garantojë vullnetin e lirë të çdo qytetari.

Dilni dhe votoni masivisht./CNA.al

Lajmet e fundit nga