web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi nga Vlora/ “Po shkelet ligji në disa qendra votimi”

14 Maj 2023, 12:25, Politikë CNA

Denoncimi nga Vlora/ “Po shkelet ligji në disa qendra votimi”

“Bashkë Fitojmë”, nëpërmjet Hysni Sharrës nga shtabi elektoral i kandidatit të këtij koalicioni, ka denoncuar publikisht shkeljet zgjedhore që bëhen në disa qendra votimi në qytetin e Vlorës.

Sipas tij për shkak të pasigurisë që ka mbërthyer socialistët ata kërkojnë të përdorin listat e votuesve të patronazhuar nga vetë ata për t’i sjellë në votime, duke garantuar se këto akuza janë të faktuara.

 “Partia Socialiste duke qenë në panikun e humbjes së thellë është duke prishur procesin zgjedhor. Procesi në pjesën më të madhe të qendrave po zhvillohet në shkelje të kodit zgjedhor. Sipas urdhrit të KQZ-së, vetëm në rast se pajisja PEI nuk punon pasi provohet disa herë, atëherë identifikimi bëhet përmes listës së zgjedhësve që merret nga zarfi.

Nga provat që kemi deri tani, pamje filmike, fotografime në disa qendra të qytetit të Vlorës, shkelja e ligjit po bëhet në disa qendra votimi. Qëllimi i vetëm është paniku që i ka zënë duke kërkuar që të nxjerrin listat e votimit nga kutitë për të bërë më pas patronazhimin, për të sjellë në votim të gjithë personat që kanë në dorë. Kjo nuk ka për të ndodhur. Qytetarët e Vlorës do të votojnë të lirë. Thirrja jonë është që të gjithë të shkojnë për të votuar”, u shpreh Cakrani./ CNA.al





Lajmet e fundit nga