LEXO PA REKLAMA!

SHKARKO APP

E fundit!

x

Bejko, në delir/ “I vetmi demokrat në garë jam unë”

14 Maj 2023, 11:47, Politikë CNA
Bejko, në delir/ “I vetmi demokrat në garë jam
Kandidati i PD-së së Enkelejd Alibeajt për Tiranën, Roland Bejko

Kandidati i PD-së së Enkelejd Alibeajt për Tiranën, Roland Bejko, ka dalë sot për të votuar dhe duket se nga emocionet e ditës më demokratike të një vendi ka degraduar në delir duke thënë se në këto zgjedhje kandidati i vetëm demokrat është ai.

Pas votimit ai ka dhënë mesazhe sensibilizuese për qytetarët duke kërkuar që ata të shprehin vullnetin e tyre sot.

Dita që qytetarët e Tiranës të shprehen. Qytetarët e Tiranës e shikojnë që krimi i organizuar ka kriminalizuar ekonominë dhe nëse ata janë bindur për ato që ne kemi thënë gjatë fushatës elektorale, sot është dita që ata ta refuzojnë kapjen e tregut të Tiranës nga krimi i organizuar, oligarkia politike dhe oligarkia financiare. Oligarkët në Tiranë njihen me emër, që me Samirin, me Çetin e të tjerë, prandaj qytetarët e Tiranës duhet t’i japin frymëmarrje Tiranës me votën e tyre, duhet t’i japin frymëmarrje demokracisë me votën e tyre dhe duhet të mbështesin alternativën më të mirë.

Projekti ynë për Tiranën është një projekt i cili do t’ua kthejë qytetin qytetarëve dhe Këshilli Bashkiak do të jetë ai që do të vendosë për gjithçka. I vetmi demokrat dhe i vetmi i djathtë në garë është Roland Bejko dhe Partia Demokratike. Të tjerët kanë bërë divorcin me Partinë Demokratike dhe kanë shkuar në parti të tjera ku janë strehuar dhe kanë ndjekur të shkuarën,”  tha Bejko./ CNA.al

Lajmet e fundit nga