web counter
LEXO PA REKLAMA!

SHKARKO APP

App Store
Google Play

E fundit!

x

“Peshkaqeni famoz po bën xhandarin në qendrat e votimit”/  Berisha “shënjestron” policinë dhe Roni Shqopa

14 Maj 2023, 10:25, Politikë CNA

“Peshkaqeni famoz po bën xhandarin në qendrat e votimit”/

Drejtuesi i koalicionit “Bashkë Fitojmë”, Sali Berisha, ka ftuar të gjithë qytetarët të mos dëgjojnë deklaratat e kryeministrit Edi Rama por të votojnë masivisht për zgjedhjen e qeverisjes vendore.

Teksa ka folur për problematikat në disa qendra votimi, Berisha ka shënjestruar policinë dhe drejtues të një njësie administrative në Durrës.

Ai është shprehur se ata kanë tentuar të bëjnë xhandarin në qendrat e votimit, por janë përzënë siç e kanë merituar.

Më tej, Berisha denoncoi se nëse telefononi policinë nuk do t'u përgjigjet njeri.

“Qytetarët të flasin sot me votën e tyre për qeverisjen vendore. Të gjithë ata të cilët u ftuan nga armiku i egër i votës së lirë që të rrinë në shtëpi, të mos harrojnë se kjo është një nxitje që të marrin pjesë në votime. Ai që ka frikë votën ka frikë lirinë dhe është armik i saj. Ftoj të gjithë zgjedhësit shqiptarë të mos harrojnë se përsëritja e të njëjtit gabim e bën gabimin edhe më të madh ndaj dhe le t'u prijë mençuria e tyre në mënyrë që të votojnë në interesin më të mirë të tyre, familjes së tyre, të vendit të tyre. Kjo është pranvera e ndryshimit. Nesër Shqipëria arkivon monizmin e shëmtuar në Shqipëri dhe kjo është një ditë fitoreje për Shqipërinë.

Ka disa problematika që duhet të shqyrtohen. Pajisjet ka panë pasur mosfunksionim. Do të dëgjoni në darkë se ndërhynë hakerat iranianë në fakt janë hakerat qeveritarë. Ka disa qendra, si p.sh. në Durrës, ku peshkaqeni famoz Roni Shqopa dhe disa drejtorë përgjegjës të njësisë administrative kanë preferuar të bëjnë xhandarin në QV, por janë përzënë siç e meritojnë. Nëse i bini numrit të policisë nuk përgjigjet. Policia ka marrë pushim sot”, tha Berisha./ CNA.al





Lajmet e fundit nga