web counter
LEXO PA REKLAMA!

SHKARKO APP

App Store
Google Play

Vendimi i “Kushtetueses”/ Berisha: Populli opozitar duhet të shumëfishojë forcat për largimin e Ramës

7 Shkurt 2026, 13:06, Politikë CNA

Vendimi i “Kushtetueses”/ Berisha: Populli opozitar duhet të

Kryetari i PD-së, Sali Berisha, në një komunikim me qytetarët në rrjetet sociale foli edhe lidhur me vendimin e Gjykatës Kushtetuese për Belinda Ballukun. Berisha u shpreh se vlerëson qëndrimin e gjyqtarëve, që sipas tij rrëzuan ankimimin e Ramës.

Ndër të tjera, kryedemokrati tha se populli opozitar duhet të shumëfishojë përpjekjet për largimin e Ramës.

"Pas 9 orësh, të ndryrë në një sallë, Gjykata Kushtetuese nuk mori dot vendim për të pranuar kërkesën e Edi Ramës. Në këtë kuadër, unë vlerësoj qëndrimin e atyre gjykatësve, të cilët me guximin e tyre rrëzuan një kërkesë që ishte baras me grusht shteti kundër shqiptarëve. Natyrisht gjykata ka mëkatin e madh sepse i dha Lubi Ballukut mbi 2 muaj kohë të fabrikojë dhe të falsifikojë çdo dokument. Por siç thotë fjala, më mirë vonë se kurrë. Me atë ndarje katër me katër, të paktën vendimi, kërkesa e Edi Ramës nuk u miratua dhe përfundoi në kosh të plehrave.

Në fakt bashkë me Edi Ramën sepse ajo nuk kishte të bënte me Lubi Ballukun, ajo kishte të bënte me pezullimin e Edi Ramës nga detyra. Dhe ai donte të krijonte një mur nga gjykata. Ky është një moment që dëshmon se populli opozitar duhet të shumëfishojë energjitë dhe forcat në këtë betejë gjer në largimin e Edi Ramës nga pushteti.

Asnjë shqiptar nuk duhet të pranojë kurrë që për pasurimin me plaçkitje të Edi Ramës, familjes së tij, Lubi Ballukut dhe të tjerëve, të shkelmohet e ardhmja europiane e fëmijëve tanë, e ardhmja jonë europiane. Ju rikujtoj se pavarësisht nga reagimet që ka pasur, pavarësisht nga kritikat që mund të jenë bërë nga lobingjet e Edi Ramës apo të tjerë, por kemi paralajmëruar me kohë se Shqipëria me Edi Ramën nuk plotëson në mënyrë absolute asnjë kriter përveç pozicionit të saj gjeostrategjik”, tha Berisha. /CNA





Lajmet e fundit nga