web counter
LEXO PA REKLAMA!

SHKARKO APP

App Store
Google Play

E fundit!

x

Ish-deputeti i PD-së, kryeinspektor i Përgjithshëm/ Berisha komenton emërimin: Ka qenë mollë e kalbur

7 Shkurt 2026, 12:51, Politikë CNA

Ish-deputeti i PD-së, kryeinspektor i Përgjithshëm/ Berisha

Kryetari i Partisë Demokratike, Sali Berisha, ka zhvilluar ditën e sotme një bashkëbisedim me qytetarët në rrjetet sociale. Berisha u pyet nga komentuesit se çfarë mendon për emërimin e ish-deputetit demokrat, Dashnor Sula, si kryeinspektor i Përgjithshëm.

Kreu i PD-së tha se ky emërim ishte një tradhti e lartë ndaj demokratëve që e kanë mbështetur për disa vite. Më tej akuzoi kryeministrin Edi Rama se korrupton eksponentët e opozitës.

“Unë shpreh mirëpkuptimin tim të plotë për indinjatën tuaj. Do të them diçka që e kam menduar shpeshherë. Nëse tradhtia ndaj atdheut quhet tradhti e lartë, edhe tradhtia ndaj idealeve më të shenjta të demokracisë, nuk ka pse të mos quhet tradhti e lartë. Të tradhtosh ato të cilët burra dhe gra fisnikë kanë 12 vjet që s’të kthejnë shpinën, por të mbështesin si shpresë për ta, dhe të dalësh në kohën më të zezë të Edi Ramës e të kapësh flamurin e Edi Ramës, ke kryer aktin më të lartë të tradhtisë. Kam konstatuar se një nga drejtimet më themelore të Ramës ka qenë korruptimi i eksponentëve të opozitës. Veprimtari e ulët dhe e turpshme, ku një qeveri do të blejë e korruptojë përfaqësuesit e opozitës në funksion të pushtetit të vet. Por çfarë e shtyu atë në krahët e Edi Ramës? E kuptoni vetë çfarë molle e kalbur ka qenë ai. Çfarë e shtyn doktorin 32 vjet, të dalë në krah të Salianjit, të krimit e bandave. Ne nuk humbasim nga këto, përkundrazi do të ndahemi nga këto. Nuk duam në gjirin tonë shërbëtorë të Edi Ramës”, tha Berisha ndër të tjera. /CNA





Lajmet e fundit nga