web counter
LEXO PA REKLAMA!

SHKARKO APP

App Store
Google Play

E fundit!

x

Agron Duka: Rama është bërë agresiv, bashkimi rrotull PD-së është i pamundur

5 Shkurt 2026, 21:47, Politikë CNA

Agron Duka: Rama është bërë agresiv, bashkimi rrotull

Kreu i PAA-së, Agron Duka tha sot se një bashkim i opozitës rreth Partisë Demokratike është një tentativë e pamundur.

Në një studio televizive, Duke u shpreh se nevojitet më shumë angazhim nga opozita ndaj kryeministrit Edi Rama, për të cilin u shpreh se së fundmi po komunikon në mënyrë më të pamatur dhe agresive.

“Është sakrificë e madhe të rrish një muaj e ca në karrige. Por bashkimi rrotull PD-së më duket i pamundur. Është tentuar edhe herë tjetër. Por ne mund të bashkohemi për çështje të caktuara. Edi Ramën e kam njohur edhe nga afër. Nuk ka qenë kështu, por mënyra e tij është më agresive. Problematikat që i dalin atij në qeverisje lexohet edhe si problematikë. Të lëshojë të tilla deklarata, ‘budallenj’, ‘lapanjosë’ është e pamatur. Ndërsa piruetet që bën për të rregulluar marrëdhëniet me ndërkombëtarët, sidomos për fenë më duken qesharake. Pra kudo që të shkosh të kërkosh mbështetje nëpërmjet fesë është qesharake dhe të krijon ndjesi shumë negative. Mënyra e komunikimit të Ramës ka rënë jashtë mase dhe mbase nuk e kritikon më njeri edhe pas këtij pushteti të gjatë. Ky thotë “unë iku kur dua vetë”. Sa për qeverinë teknike, nëse ka revoltë ka numër edhe mund të imponohesh, por kaq numra sa kemi ne nuk lëvizim gjë vendit. Duhet më tepër angazhim. Nëse të gjithë bashkë japim kontribut, atëherë mund të kemi produkt”,-tha Duka./CNA





Lajmet e fundit nga