web counter
LEXO PA REKLAMA!

SHKARKO APP

App Store
Google Play

"Më 10 shkurt më shumë reagim"/ Muçollari: Na ka rënë ne për hise, t’i dalim zot Shqipërisë

5 Shkurt 2026, 19:26, Politikë CNA

"Më 10 shkurt më shumë reagim"/ Muçollari: Na ka

Anëtari i Partisë Demokratike, Grigels Muçollari ka qenë i pranishëm në foltoren e organizuaer me demokratët e degës 7 në Tiranë.

Në fjalën e mbajtur, Muçollari tha se Partia Demokratike ka treguar që ka forcë të reagojë dhe të përballet. Muçollari tha se nëse vazhdohet kështu, Shqipëria është e destinuar të shuhet dhe nuk do të ketë mundësi për të ardhmen e fëmijëve.

Më tej, Muçollari deklaroi se pesha për t’i dalë zot Shqipërisë u ka rënë demokratëve, të cilët duhet t’i japin zemër çdo qytetari.  

"Kemi treguar që kemi forcë të reagojmë, të përballemi. Rezultati ynë ka treguar qëndresë të opozitarëve. Sot këtu nuk jemi mbledhur vetëm për një aktivitet partiak apo për të bërë një analizë.

Një Shqipëri e mjerë, që është e destinuar të shuhet nëse vazhdon ashtu. Po flasim për një Shqipëri ku drejtësia duhet të marrë leje se kë të prekë e kë jo. S’do të kemi mundësin e së ardhmes për fëmijët tanë. Për një gjë kam bindjen e plotë, si demokratë na ka rënë ne për hise t’i dalim për zot Shqipërisë. Të vendosemi në shesh dhe t’i japim zemër çdo qytetari ta ngrejë zërin. Protesta e janarit ngriti kokat tona, protesta e 10 shkurtit dhe më shumë reagim, që t’u ngremë kokën shqiptarëve”, tha Muçollari./CNA





Lajmet e fundit nga