E fundit!

09:11 Aktualitet

Një hap më pranë Brukselit/ Gjermania përshëndet progresin e Shqipërisë në negociatat me BE

Ambasada Gjermane në Tiranë ka përshëndetur mbylljen e për...

“Një qeveri që vjedh qytetarët, nuk ka legjitimitet”/ Berisha: 10 shkurti, dita e kryengritjes tonë

6 Shkurt 2026, 19:09, Politikë CNA

“Një qeveri që vjedh qytetarët, nuk ka legjitimitet”/

Kryetari i PD-së, Sali Berisha, në takimin me demokratët e degës 8 dhe 10 në Tiranë, akuzoi qeverinë se përdori buxhetin e shtetit dhe administratën për të vjedhur zgjedhjet. Sipas tij ky është shkaku pse kjo qeveri nuk ka legjitimitet.

“Nuk ka zgjedhje nëse përdor të gjitha burimet shtetërore, të gjithë administratën dhe buxhetin. Sepse ai tjetri që është në fushë nuk ka armatën e punonjësve për tu shërbyer qytetarëve që kthehen kundër qytetarëve në zgjedhje. Zgjedhje nuk ka nëse trafikantë me miliarda euro vcërsulen drejt zgjedhësve me para. Ai që zhvillon këtë fazë në Shqipëri, Venezuelë, Bjellorusi nuk ka legjitimitet. Një qeveri që nuk vjen nga zgjedhjet e lira nuk mund të qeverisë një popull. Edhe sikur zgjedhjet të ishin normale, një qeveri që kapet duke vjedhur dhe bën mburojë mandatet dhe imunitetin, ajo qeveri duhet rrëzuar. Një qeveri e bën të paligjshme, vota e farsa elektorale dhe vjedhja e qytetarëve”, tha Berisha.

Kryedemokrati shtoi ndër të tjera se rrëzimi i kësaj qeverie është misioni më i rëndësishëm që ka patur Partia Demokratike që nga themelimi i saj. Ndërkohë, bëri thirrje për pjesëmarrje në protestën e 10 shkurtit ku tha se është dita e betejës për të ardhemen e vendit.

“Në misionin tonë këta do t’i çojmë atje ku kanë vendin. I kam thënë Edi Ramës, i kam deklaruar dhe i deklaroj, aq sa shpëtuan Enver Hoxhën pa u zvarritur nga piedestali i tij, aq do të shpëtosh ti. Ka një popull që ti i shkelmon votën dhe e plaçkit. Prandaj sot jemi në misionin më të rëndësishëm që kemi patur nga themelimi gjer më sot. Më të vështirë por të sigurt drejt fitores. Në momentet më kritike kur menduan se na arkivuan në histori, ne u ngritëm. 10 shkurti është dita e kryengritjes tonë paqësore. Ftoj çdo qytetar, çdo shqiptar të bashkohet me ne. Sepse kjo nuk është betejë për pushtetin e një njeriu apo partie. Është betejË për rezistencën, dinjitetin, të ardhmen e Shqipërisë dhe shqiptarëve”, tha ai. /CNA