web counter
LEXO PA REKLAMA!

SHKARKO APP

App Store
Google Play

E fundit!

x

Foltorja/ Berisha: Rama do të na shkëpusë nga BE-ja për karrigen e tij

6 Shkurt 2026, 19:04, Politikë CNA

Foltorja/ Berisha: Rama do të na shkëpusë nga BE-ja për

Kryetari i Partisë Demokratike, Sali Berisha ka zhvilluar pasditen e sotme foltoren e radhës në kryeqytet, kësaj here në degën 8 dhe 10 në Tiranë. Berisha akuzoi kryeministrin Edi Rama se do të shkatërrojë procesin e integrimit të vendit në Bashkimin Europian për të mbrojtur postin e tij.

“Nuk ka moment që të mund të tejkalojë se çfarë interesash janë të gatshëm të shkelmojnë këta antishqiptarë, kjo bandë kriminale për pasurimin e vet, për interesat e veta, për lëkurën e vet. Një popull të tërë! Fatin e një populli duan ta shkelmojnë duke besuar se nuk ekziston askush në këtë vend, përveç atyre.  Por ja që jemi ne dhe vijmë më te betuar se kurrë se nuk do ua falim për asnjë çmim, për asnjë arsye. Enver Hoxha u shkëput për karrigen e vet, sepse ishte kulti, sepse ai me kultin mbrohej, mbronte pushtetin. Dhe ne u zhytëm në izolimin më të thellë.

Për ne, lufta e klasave ishte një makineri diktatoriale e tmerrshme, por izolimi ishte përsëri një faktor tmerrësisht në favor të diktaturës. Sepse ata që nuk vepruan si ne, kishin një hapësirë lëvizje nga Liqeni i Shkodrës në Kamçatkë. Kurse ne, nga Hani i Hotit në Kakavijë. Pse e jap këtë shembull? Enver Hoxha ishte një gjakësor, kishte kryer krime monstruoze, dhe ai nuk mundet në asnjë mënyrë të lëshonte karrigen e tij. Kurse sot Edi Rama, jo ndaj perandorisë të së keqes, siç ishte kampi socialist, por ndaj BE, ëndrrës më të bukur evropiane të të gjitha kohërave, do të na shkëpusë. Pse? Për karrigen e tij”, tha Berisha.

Ndër të tjera ai shtoi se Rama po injoron ato që ai i quajti “ultimatumet për zhbërjen e procesit të integrimit europian. Ndërkohë u shpreh se qytetarët janë shpresa e vetme për largimin e qeverisë nga pushteti.

“Pra, shikoni se çfarë janë në gjendje të bëjnë këta ndaj nesh. Shikoni se këta nuk njohin asnjë kufi. Harrojnë që 90 përqind e shqiptarëve, ëndrrën më të bukur e shohin në BE dhe nuk e kanë gabim sepse në këtë komunitet është faktuar se njerëzit bëhen më të lirë, njerëzit bëhen më të mëkëmbur, njerëzit bëjnë një jetë më të mirë.

Kjo është e vërteta, ndaj dhe e duan me gjithë zemër. Por, tani që vjen problemi që Edi Rama nuk ka ku shkon më, tani ai absolutisht është, me gjithë ultimatumin që ka marrë, se jemi të gatshëm të ndërmarrim një proces që nuk e kemi ndërmarrë kurrë, të zhbëjmë procesin e integrimit, ai gjithë ditën duke punuar për vendimin që do dalë sonte. Ky është zhvillimi më i fundit dhe unë nuk kishte si ta injoroja këtë vendim. Pra, është një thirrje e madhe për ne, dhe një gjë duhet t’u rikujtoj, në këtë situatë, shpresa e vetme jemi ne. Shpesh me të drejtë thonë: njerëzit nuk kanë shpresë, jo njerëzit janë pa shpresë, si t’ia bëjmë për shpresën”, tha Berisha. /CNA





Lajmet e fundit nga