web counter
LEXO PA REKLAMA!

SHKARKO APP

App Store
Google Play

Debati për pagat e gjyqtarëve/ Manja: Pse nuk diskutohet dhe se çfarë do bëhet me dosjet stok

5 Shkurt 2026, 21:59, Politikë CNA

Debati për pagat e gjyqtarëve/ Manja: Pse nuk diskutohet dhe se

Kryetari i Komisionit të Ligjeve, Ulsi Manja në një dalje televizive ka folur për debatin mbi pagat e gjyqtarëve. Manja tha se paga referuese bazë u ndryshua nga Gjykata Kushtetuese dhe qeveria nuk mund ta ndryshonte këtë vendim.

Ish-ministri i Drejtësisë tha se pas vendimit të Kushtetueses, paga e gjyqtarëve nuk mund të ulet, me përjashtim të 3 rasteve.

Më tej, Manja tha se me ndryshimet e bëra në ligj në vitin 2023, paga nominale e sistemit të drejtësisë u rrit.

Duke u ndalur te debate për pagat, Manja tha se nuk është një komnflikt mes ekzekutivit dhe qeverisë, por çështja ka shkuar në Gjykatën Kushtetuese. Manja tha se përveç debatit të pagave, duhet të diskutohet dhe stoku i dosjeve në gjyqësor.

 

“Në vitin 2022, Gjykata Kushtetuese ndryshoi pagën referuese bazë. Qeveria nuk mund ta diskutonte vendimin e Kushtetueses. Paga e gjyqtarëve nuk mund të ulet me përjashtim të 3 rasteve, krizat, kur magjistrati kthehet në vendin e mëparshëm të punës dhe kur u nënshtrohet masave disiplinore. Kushtetuesja tha mos cenoni pagën që kanë përfituar.

Duke qenë se norma u shfuqizua nga Kushtetuesja, Ministria e Financave tha të bëhet reflektim idhe të kompensohet boshllëku.

Miratuam ndryshimet në ligj në vitin 2023, dhe thamë paga referuese bazë do të jetë ajo e Sekretarit të Përgjithshëm.

Ne me ndryshimet e ligjit jo vetëm nuk e ulëm në vlerë nominale pagën, por e rritëm.

Ndihem i keqardhur për gjuhën që përdoret, sepse nuk është një konflikt mes ekzekutivtit dhe sistemit të drejtësisë. E kanë çuar qeverinë dhe Parlamentin në Gjykatën Kushtetuese. Nuk mundet që magjistratët që janë për të dhënë drejtësi cilësore të etiketojnë se qeveria ka vepruar në keqbesim me ndryshiemt e ligjit. Jemi kujdesur që reforma në drejtësi, pjesë të jetë dhe statusi i magjistratit. Është i rëndësishëm dhe debati që bëhet për pagat, por ndihem i keqardhur që nuk bëhet debat se çfarë do bëhet me dosjet stok”, tha Manja.





Lajmet e fundit nga