web counter
LEXO PA REKLAMA!

SHKARKO APP

App Store
Google Play

Thirrja e Ballës për efektivët e policisë në prag festash

21 Dhjetor 2023, 13:08, Politikë CNA
Thirrja e Ballës për efektivët e policisë në prag
Taulant Balla

Ministri i Brendshëm, Taulant Balla, u ka bërë thirrje efektivëve të policisë që të rrisin vigjilencën gjatë periudhës së festave, me qëllim që të parandalohen ngjarjet kriminale dhe që të mos cenohet atmosfera festive.

Në një postim në rrjetet sociale, Balla thotë se ‘Sundimi i Ligjit’ po godet çdo ditë fenomenin e armëmbajtjes pa leje. 

“'Sundimi i Ligjit' po godet çdo ditë armëmbajtjen pa leje, një fenomen që mbetet një shembull i keq në sytë e publikut, një shpërfillje e rëndë ndaj ligjit dhe arrogancë e hapur ndaj shoqërisë sonë. Armëmbajtja pa leje është burim potencial i krimeve të rënda kundër personit. Policia e Shtetit ka ndaluar 14 persona dhe ka sekuestruar 14 armë zjarri dhe një sasi të konsiderueshme municioni luftarak në Mirditë, Vlorë, Tiranë, Durrës, Berat, Kurbin dhe Shijak. Përgëzoj Policinë e Mirditës për riorganizimin, hetimin serioz të ngjarjeve të rënda të mëparshme dhe rritjen e forcës parandaluese, siç u dëshmua sot me parandalimin e një ngjarjeje tjetër të rëndë kriminale. Policia e Shtetit duhet të rrisë vigjilencën gjatë ditëve të festave, të bashkëpunojë me qytetarët, me qëllim që të parandalohen ngjarjet kriminale dhe që të mos cenohet atmosfera festive, nga episode të veprimeve të paligjshme", shprehet Balla./CNA 





Lajmet e fundit nga