web counter
LEXO PA REKLAMA!

SHKARKO APP

App Store
Google Play

Berisha “ndez” demokratët/ “Jam më i fortë se kurrë”

21 Dhjetor 2023, 10:47, Politikë CNA

Berisha “ndez” demokratët/ “Jam më i fortë se

Ish-kryeministri Sali Berisha iku nga Parlamenti, pas mbajtjes së një fjalimi para protestuesve.

Qytetarët e kanë shoqëruar kryedemokratin deri në selinë e PD-së, ku ky i fundit dha një mesazh të fundit.

Berisha tha se pavarësisht se mazhoranca i hoqi imunitetin, ai ndihet më i fortë se kurrë.

“Sot jam më i fortë se kurrë. Harroje! E the që jam pa imunitet, të them se jam më i fortë se kurrë. Më i vendosur se kurrë në mbrojtje të kauzës së drejtë të opozitës.

Unë i garantoj shqiptarët se kjo kauzë e drejtë do të triumfojë. Se forcë në botë që të mposhtë idealet e demokracisë, nuk ka dhe nuk do ketë. Se kjo bandë që qëndron në pushtet me lidhjet e krimit, drogës dhe vjedhjes së shqiptarëve, do t'i ketë kohët e numëruara.

Se Edi Rama do përfundojë si gjyshi i tij Enver Hoxha në kalendat e historisë. Se shqiptarët do kenë qeveritarët e tyre, opozitën e tyre ashtu siç meritojnë.

Kjo histori është sot një histori në zhvillim, por nga ana tjetër është një nga historitë më krenare të popullit opozitar që nuk u mposht nga asgjë, që i rezistoi një korrupsioni transnacional, të pashembullt në historinë e një vendi dhe dëshmon që ka të gjithë energjinë për të mbrojtur vlerat e demokracisë, shtetin ligjor dhe orientimin euroatlantik të Shqipërisë.

Edhe njëherë, gjithçka që është ndërmarrë ndaj meje është ilegjitime dhe kjo nuk ka asnjë diskutim. Vendimet nga alfa tek omega, janë marrë si hakmarrje e mirëfilltë politike në shkelje të çdo parimi dhe çdo ligji të këtij vendi. Edhe njëherë u falënderoj për praninë tuaj.

Fitore, fitore, fitore!”, theksoi ndër të tjera kreu i PD-së./ CNA





Lajmet e fundit nga