web counter
LEXO PA REKLAMA!

SHKARKO APP

App Store
Google Play

Berisha njofton protestë para SPAK-ut/ Porosi drejtuesve të degëve të PD-së

21 Dhjetor 2023, 10:39, Politikë CNA

Berisha njofton protestë para SPAK-ut/ Porosi drejtuesve të

Ish-kryeministri Sali Berisha ka njoftuar për një protestë para SPAK-ut pasi mazhoranca i hoqi imunitetin e deputetit.

Berisha nuk dha një datë, por u kërkoi qytetarëve t’i bashkohen në një protestë para SPAK-ut.

Kryedemokrati dha edhe një porosi për drejtuesit e degëve, kryesitë e degëve, kryetarët dhe infrastrukturën drejtuese të PD-së.

"Le t’u themi ne sot këtu se verdikti juaj, verdikti i shqiptarëve nuk do të kursejë asnjërin prej tyre.

U drejtohem sot drejtuesve të degëve, kryesive të degëve, kryetarëve, të gjithë infrastrukturës drejtuese të PD, është koha të mobilizoheni me të gjithë mundësitë dhe forcën, me anëtarësinë tonë, mbështetësit tanë, simpatizantët tanë.

Është koha të bëhemi zëdhënës të atyre që duhet të ngrihen o sot o kurrë për veprim.

Është koha të jemi në krye të atyre, në krye të guximtarëve. Është koha të jemi në krye për t’i udhëhequr ata drejte fitores.

Në qoftë se ne, nuk i udhëheqim ata, nuk i frymëzojmë ata, ne kryejmë aktin e tradhtisë më të lartë ndaj tyre, ndaj opozitës, ndaj Shqipërisë dhe kombit shqiptar.

Ne jemi shpresa e vetme e tyre.

Në guximin tonë, në trimërinë tonë, në misionin tonë, varet më shumë se nga çdo tjetër, përveç Zotit, fati dhe e ardhmja e Shqipërisë dhe shqiptarëve.

Ndaj dhe ju ftoj të vazhdojmë betejën të patundur, të pamposhtur dhe ju garantoj se siç dështoi regjimi i krimit të mposhtë opozitën më 9 shtator, do dështojë sot shumë më më me turp.

Fitorja jonë është e sigurt!", theksoi ai./ CNA





Lajmet e fundit nga