web counter
LEXO PA REKLAMA!

SHKARKO APP

App Store
Google Play

E fundit!

x

"Sot do përmbysim kriminelët"/ Mesazhi i Berishës para nisjes së protestës

21 Dhjetor 2023, 09:40, Politikë CNA
"Sot do përmbysim kriminelët"/ Mesazhi i Berishës para
Sali Berisha

Ish-kryeministri Sali Berisha, nga salla e Kuvendit, hedh akuza ndaj qeverisë Rama dhe sistemit të drejtësisë, që sipas tij janë që bandë që kanë vendosur për arrestimin e kreut të PD-së.

"Deputetët e opozitës i kanë kallur tmerrin mazhorancës. Sot pas një vendimi antikushtetues të gjykatës Rama-Brava do të votohet për arrestimin e kryetarit të Partisë Dmeokratike. Në këtë mënyrë mendojnë se do mposhtin opozitën. Ky është një krim i vërtetë. Ky akt dëshmon se në Shqipëri ka një opozitë të fuqishme. Sot do të përmbysim kriminelët që kanë shkatërruar Shqipërinë", u shpreh Berisha. 

Kaos në sallën e Kuvendit. Deputetët demokratë që janë futur në sallë, kanë kthyer përmbys karriget si dhe janë përplasur me gardistët.

Nuk janë të paktë gardistët në sallë, të cilët kanë rrethuar postet e ministrave dhe kryeministrit. 

Ndërkohë, deputetët e Partisë Socialiste u janë shmangur tensioneve para Parlamentit.

Për të mos u përballur me protestuesit e opozitës, socialistët kanë shkuar në Kuvend rreth dy orë para nisjes së seancës.

Kryeparlamentarja Lindita Nikolla u pa duke hyrë në sallën e seancave plenare në orën 08:10, ndërsa nga ora 8:30 në Parlament kanë shkuar edhe deputetët socialistë me radhë.

Sakaq, jashtë godinës së Parlamentit po zhvillohet një protestë e thirrur nga Partia Demokratike./CNA





Lajmet e fundit nga