E fundit!

14:54 Politikë

"Nuk mjafton produkti formal, por përmbajtja"/ Debat Boçi-Mazniku për afatin e Reformës Territoriale

Këtë të mërkurë po mbahet seanca e radhës e Komisionit të ...

Gjekmarkaj, në mbrojtje të Berishës/ “Heqja e imunitetit shkel Kushtetutën”

21 Dhjetor 2023, 12:48, Politikë CNA

Gjekmarkaj, në mbrojtje të Berishës/ “Heqja e imunitetit

Deputeti Agron Gjekmarkaj

Deputeti Agron Gjekmarkaj ka dalë në mbrojtje të ish-kryeministrit dhe kreut të PD-së, Sali Berisha, të cilit mazhoranca i hoqi sot imunitetin e deputetit me 75 vota.

Gjekmarkaj thotë se heqja e imunitetit shkel Kushtetutën, pasi pretendon se mazhoranca dhe drejtësia nuk kanë asnjë provë për të ndërmarrë një hap të tillë.

Me anë të një statusi në rrjetet sociale, ai deklaron se në rastin e Berishës është vepruar me dy standarde, krahasuar me rastet e mëparshme të deputetëve.

Sipas tij, politika ka triumfuar mbi drejtësinë dhe ka krijuar një precedent që lë shije gjuetie mbi Berishën.

Ai thekson se goditja ndaj ish-kryeministrit nuk është e barabartë me asnjë goditje ish-ministri.

Reagimi i plotë i Gjekmarkajt:

Ajo që ndodh me Sali Berishën nuk më lë indiferent. E përcjell me keqardhje njerëzore, por edhe per atë që ai përfaqëson në historinë bashkëkohore të vendit tonë. Nuk kam ënderruar për asnje çast, si ndokush që gjithçka pameritueshem ka marrë nga ai dhe uron rrënimin e tij pertej çdo qendrimi politik që kam mbajtur e kam në koherencë me veten.

Një gjë ra në sy gjatë kësaj ngjarjeje, e them këtë pa pretenduar monopolin e drejtësisë.

Kushtetuta e vendit u shkel në nenin e saj nr. 73 dhe u krijua një precedent që la shije gjuetie mbi Sali Berishën, i cili përfaqëson pjesen më të madhe të opozitës. Ai nuk është mbi ligjin, por as nën të nuk duhet të futet me aksion politik.

Pritëm që në mbledhjen e Këshillit të Mandateve të paraqiteshin prova ndaj tij, por ato nuk i pamë. Dikur kjo mazhorancë kërkonte prova dhe u nxirrte sytë prokurorëve për Saimir Tahirin. Dy standardet janë një standard triumf i politikës mbi drejtësinë, helm ky, që mund të fundosë ëndrrat për një drejtësi të re.

Goditja ndaj tij nuk është e barabartë me asnjë goditje ish-ministri, nëse dikush kërkon të ndërtojë paralelizma.

Një vend pa opozitë apo me atë të nëpërkëmbur, të shtypur nga thundra gardistësh, është vend pa garanci dhe, si i tillë, pa demokraci, është regres. Një vend ku të votuar nga populli opozitar përdoren nga pushteti, është një vend në krizë të thellë etike, aq shumë të tillë sa propozohen bash nga këta, ligje që opozita të dënohet me burg nëse bën denoncime.

Nëse opozita nuk ia del e vetme, shoqëria duhet ta ndihmojë atë ose një ditë do të jetë ajo e vetmuar.

Të zgërdhihesh sot me dobësitë e opozitës është justifikim ndaj mungesës së forcës për ta parë realitetin në sy.

Se çfarë ishte Shqipëria pa opozitë, e kemi të gjithë kujtimin, shenjat, gjurmët në sjellje, mendësi, në trupin e atdheut kudo.

Sekush është në të drejtën e vetë ta gjykojë opozitën, ta braktisë, t’i bashkohet po kaq njerëzore të kesh frikë dhe, në vend të përballjes, të zgjedhësh konfortimim, por secili, së paku para pasqyrës së ndërgjegjjes, t'ia pranojë vetes që tkurrja, ikja, frika nuk janë virtyte, nuk janë vlera.

Ajo do të konsiderohet trashëgimia e nënshtrimit, e cila krijon cikle të gjata, ku të drejtat hiqen një nga një dhe mbetesh i vetem perballë policit pa avokat.

Një thënie e filozofit spanjoll Migel de Unamuno vlen per të gjithë, ndonëse pro Frankos dhe lëvizjes së tij kundër Republikës, u drejtohet falangistëve me fjalët: "Ju mund të fitoni se keni forcë të shëmtuar brenda vetes me bollëk, por nuk do të bindni. Për të bindur, ju duhet diçka që ju mungon, arsyeja dhe e drejta në përpjekje". Tre muaj pasi tha këtë në Universitetin e Salamankës, vdiq nën presionin e turmës. Pas vitit 1978 , pas 42 vjetësh, kjo frazë gjendet kudo në Spanjë, nëpër kartolina dhe suvenire. Krenohen që ai e tha , pendohen që reflektuan me vonesë./ CNA

Gjekmarkaj, në mbrojtje të Berishës/ “Heqja e imunitetit