web counter
LEXO PA REKLAMA!

SHKARKO APP

App Store
Google Play

E fundit!

x

Të përndjekurit kundra kandidaturës së Ndregjonit, ndërsa Ballanca e Berishës rri në post në kundërshtim me ligjin

28 Qershor 2025, 15:37, Politikë Ilir Vata

Të përndjekurit kundra kandidaturës së Ndregjonit,

Në një deklaratë publike, Ilir Vata, kryetar i "Partia për Të Drejtat e Mohura", ka kundërshtuar kandidaturën e Besim Ndregjonit të lançuar nga Berisha thjesht si sinjal të pazarit të ri me Partinë Socialiste.
Ndërsa Rama dhe Berisha bëjnë sikur kërkojnë kandidat konsensual, Erinda Ballanca vazhdon merr rrogën si avokat i popullit kur mandati i saj ka përfunduar që në Korrik të vitit 2022.
Ligji për avokatin e popullit është i qartë. Mandati i avokatit është me afat dhe afati lidhet me daten e emërimit në post. Në rast vakance funksioni i Avokatit të popullit, kryhet nga Komisioneri më i vjetër në detyrë.
Erinda ballanca prej 3 vjetësh ushtron një detyrë qe me ligj i ka mbaruar prej 3 vjetësh por për të vazhduar të marresh rrogën mjafton që ti lësh zyrën për pazare kryetares se kimisionit të ligjeve Bushka. Kjo është avokatja e popullit që organizon mbremje galà. Me afat te detyres të përfunduar prej 3 vjetësh.

Të përndjekurit kundra kandidaturës së Ndregjonit,
Si do i lexoje të drejtat e popullit zonja Ballanca kur qendron në detyrë pa asnje tagër ligjor dhe këtë mund ta arrijë vetem duke u sjellë mirë qe mazhoranca mis e nxjerr jasht nga zyra me shkelma ose me KLSh.
Dhe me sa duket pazari per ndarje postesh vazhdon. Berisha sapo ka hapur pazarin e rradhës per zëvendësuesin e Ballancës me mandat te përfunduar para 3 vjetësh.
Ndërkohë partia e të përndjekurve beson se duhen pyetur edhe ata:
"Berisha kërkon të vendosë në krye të Avokatit të Popullit një ish-zyrtar të diktaturës – një akt që fyen demokracinë dhe viktimat e saj.

Partia e të Drejtave të Mohuara (PDM) dënon me forcë përpjekjen e Sali Berishës për të vendosur në krye të institucionit të Avokatit të Popullit një figurë që ka qenë drejtues i Bashkimeve Profesionale të PPSH-së – një strukturë e lidhur drejtpërdrejt me shtypjen dhe shtetin diktatorial.

Ky është një veprim i papranueshëm dhe një tjetër tregues se Berisha nuk ka reflektuar asnjëherë për rolin e tij në regjimin e kaluar, as për dëmet që ka shkaktuar ndaj të përndjekurve politikë dhe ndaj vetë themeleve të demokracisë.

Fatkeqësisht, sot kemi individë që, të veshur me mantelin e viktimës, shtiren si të përndjekur, ndërkohë që në të vërtetë kanë qenë bashkëpunëtorë të regjimit. Këta individë janë një fatkeqësi për demokracinë shqiptare, sepse e përdorin dhimbjen dhe historinë e të përndjekurve për përfitime personale dhe politike.

PD ka figura me integritet dhe kapacitet intelektual të lartë që mund ta përfaqësojnë me dinjitet popullin në këtë institucion të pavarur. Por zgjedhja e një të shtiruri si “i përndjekur” është një përpjekje për të bërë pis procesin.

Ne i bëjmë thirrje Kryeministrit Edi Rama që të mos votojë një mëkatar në krye të Avokatit të Popullit.

Sali Berisha e la të digjej në flakë Lirak Bejkon. Ai nuk i ndihmoi kurrë të përndjekurit politikë, i la pa dëmshpërblim, pa integrim dhe në mjerim. Dhe sot, guxon të tallet sërish me ta.

Kryeministri Rama, ndonëse jo i përsosur, ka bërë hapa të rëndësishëm për të njohur dhe për të dëmshpërblyer të përndjekurit. Ne kemi bindje që ai nuk do të lejojë që në krye të një institucioni kaq të rëndësishëm dhe të ndjeshëm si Avokati i Popullit, të vendoset një figurë me të kaluar të errët.

Avokati i Popullit duhet të jetë zëri i qytetarëve, jo zgjatimi i një diktature të rikthyer me maskë demokratike.

Kryetari i PDM,

Ilir Vata





Lajmet e fundit nga