web counter
LEXO PA REKLAMA!

SHKARKO APP

App Store
Google Play

E fundit!

x

Raporti i INSTAT për ekonominë/ Teliti: Prodhimi vendas po vdes, pasojë e interesave të ngushta

27 Qershor 2025, 20:07, Politikë CNA

Raporti i INSTAT për ekonominë/ Teliti: Prodhimi vendas po vdes,

Këshilltari për Çështjet Ekonomike në PD, Dorjan Teliti ka reaguar për raportin e INSTAT mbi rritjen ekonomike në vend.

Në një status në rrjetet sociale, Teliti shkruan se prodhimi vendas po vdes, duke ia lënë vendin importeve.

Teliti thotë se kjo gjendje nuk është thjesht paaftësi, por dhe pasojë e interesave të ngushta që po shkatërrojnë mundësitë për një Shqipëri të zhvilluar.

 

“Shqipëria është në pikën kritike! Prodhimi vendas po vdes, dhe kjo nuk është aksident. Bujqësia dhe industria shqiptare janë zhytur në një krizë aq të thellë, aq sa duket qartë që kjo na kushton jo vetëm të tashmen por edhe të ardhmen. Në vend që të flasim për rritje dhe zhvillim, shifrat zyrtare të INSTAT tregojnë një realitet të hidhur: bujqësia bie me -2.76% dhe industria bie me -5.66%

Pasoja dihen, mijëra vende pune të humbura, emigracioni në nivele të larta, dhe një ekonomi që po shkon drejt humnerës. Produktet ‘Made in Albania’ po zhduken duke ua lënë vendin importeve, ndërkohë që potenciali ynë prodhues po shuhet dita-ditës. Kjo gjendje nuk është thjesht paaftësi, por pasojë e interesave të ngushta që kanë mbërthyer shtetin dhe po shkatërrojnë çdo mundësi për një Shqipëri të fortë dhe të zhvilluar. Është koha të ndalim këtë rrëshqitje dramatike dhe të kërkojmë llogari nga ata që po sakrifikojnë vendin tonë për përfitime personale”, shkruan Teliti./ CNA





Lajmet e fundit nga