web counter
LEXO PA REKLAMA!

SHKARKO APP

App Store
Google Play

Balluku prezanton ligjin për biokarburantet/ “Po hedhim një hap të ri, po i afrohemi BE-së”

26 Qershor 2025, 19:08, Politikë CNA

Balluku prezanton ligjin për biokarburantet/ “Po hedhim një hap

Numri dy i qeverisë, Belinda Balluku, prezantoi në Kuvend, projektligjin për përdorimin e biokarburanteve dhe të lëndëve të tjera djegëse, të rinovueshme për transport.

“Sot duke hedhur një hap të ri, me miratimin e këtij projektligji ne do të përafrohemi akoma dhe më shumë, të gjithë kërkesave dhe angazhimeve që kemi marrë në procesin e negocimit për anëtarësimin në BE”, deklaroi Balluku.

Balluku bëri me dije se projektligji përcakton sasinë minimale vjetore në treg të biokarburanteve dhe lëndëve të tjera të rinovueshme për transport, të cilat plotësojnë kriteret e qëndrueshmërisë dhe kriteret e emetimeve të gazit serrë për biokarburantet.

Më tej shtoi se përdorimi i energjisë së rinovueshme kërkon mbështetje dhe edukim të të gjithë përdoruesve.

Ajo tha se projektligji do të shoqërohet me një paketë nënligjore e cila do të rregullojë mekanizmar monitories dhe kontrollues të aplikimit të detyrimit të përfshirjes së biokarburantit si dhe mekanizmat për licencimin e veprimtarive të reja të prodhimit dhe përzgjedhjes së biokarburanteve.

Balluku tha se objektiv i ligjit, përveç arritjes për uljen emetimeve të gazit serrë, janë edhe mundësitë e zhvillimit të aktiviteteve tregtare në prodhimin e biokarburanteve dhe krijimi i një sektori të ri, i cili ndërlidh sektorin bujqësor me atë të energjisë së rinovueshme.

Ndër të tjera ajo theksoi ky projektligj është pjesë e akteve që synojnë përafrimin e legjislacionit vendas me paketën europiane për klimën, sikurse është ligji për performancën energjetike të ndërtesave, ligji për sektorin e energjisë që do të përcillet së shpejti në komisionet parlamentare apo edhe ligji për eficencën e energjisë./ CNA





Lajmet e fundit nga