web counter
LEXO PA REKLAMA!

SHKARKO APP

App Store
Google Play

E fundit!

x

“Është instaluar një regjim”/ Lubonja: Manipulimi i zgjedhjeve është bërë para 11 majit

26 Qershor 2025, 21:52, Politikë CNA

“Është instaluar një regjim”/ Lubonja: Manipulimi i

Analisti Fatos Lubonja u shpreh sot se manipulimi i zgjedhjeve parlamentare është bërë para 11 majit.

I ftuar në emisionin ‘Log.’, Lubonja deklaroi se ka dy narrativa sa i përket situatës me rezultatett e zgjedhjeve.

Lubonja akuzoi se është instaluar një regjim, që nuk e lëshon pushtetin me proces zgjedhor.

“Hapja e kutive më duket si shumë zhurmë për asgjë. Kjo, sepse manipulimi i zgjedhjeve është bërë para 11 majit. Kemi një lloj partie-shtet, që kontrollon gjithçka. Një parti që fiton në çdo zgjedhje më shumë vota, ka shpjegim që kontrolli i pushtetit nga PS është rritur. Nuk është sukses qeverisjeje, sepse ka pasur skandale plot në këto vite, e ky popull kaq idiot nuk është për të mos e ndëshkuar qeverisjen. Ka dy narrativa. Një narrativë është që probleme kemi, por hapa kemi bërë përpara. Narrativa tjetër është se nuk bëhet fjalë për ecje përpara, por për stabilizimin e një regjimi, që kontrollon gjithmonë e më shumë e më me ankth votat. Besoj se kjo e dyta është më e besueshme si narrativë. Zgjedhjet vazhdojnë që kontestohen e Shqipëria nuk ka ndërtuar dot një sistem zgjedhor të pakontestueshëm dhe është një vend, që nuk kalon testin e demokracisë. Këtu është instaluar një regjim, që nuk e lëshon pushtetin me proces zgjedhor. Edhe opozita ka thënë se nuk ka zgjedhje të lira dhe pastaj thotë që do hyj në zgjedhje e do fitoj, edhe kjo është kontradiktore”,-tha Lubonja./CNA

 





Lajmet e fundit nga