web counter
LEXO PA REKLAMA!

SHKARKO APP

App Store
Google Play

E fundit!

x

"Të gjithë e dimë arsyen"/ Balla: Berisha as nuk ka folur dhe as ka për të folur kurrë për komandantët e UÇK-së

29 Shtator 2025, 15:48, Politikë CNA

"Të gjithë e dimë arsyen"/ Balla: Berisha as nuk ka

Kreu i Grupit Parlamentar të PS-së, Taulant Balla, në seancën e sotme plenare, foli edhe për gjyqin ndaj ish-krerëve të UÇK-së.

Balla tha se PS është e vetmja parti që s’ka pasur luhatje në luftën e Kosovës dhe opozita ka pasur qëndrim jopozitiv ndaj luftës.

Më tej, Balla tha se Berisha nuk ka folur e nuk ka për të folur kurrë për komandantët e UÇK-së.

Kreu i grupit të PS-së akuzoi kryedemokratin se furnizonte me naftë Millosheviçin.

“Është e vetmja parti që s’ka pasur luhatje ndaj luftës së vëllezërve, tani ne e mbështesim thirrjen e veteranëve dhe u bëjmë thirrje qytetarëve të marrin pjesë. Këta na vunë kusht të mblidhemi këtu ta diskutojmë. Me nismë të PS-së janë miratuar 8 deklarata dhe rezoluta për të mbështetur luftën çlirimtare të Kosovës. E kemi bërë detyrën. Këta kanë pasur qëndrim jopozitiv ndaj UÇK-së dhe komandantëve që ndodhen padrejtësisht në Hagë, se nuk ka asnjë provë ndaj tyre me ato palo dëshmitarë që po serviren. Uroj që Tritan Shehu ta ketë serioze atë që tha, sepse për herë të parë pas kaq shumë vitesh flet një përfaqësues i PD-së për komandantët e UÇK-së në Hagë. Jam i sigurt që Sali Berisha as nuk ka folur dhe as s'ka për të folur kurrë për komandantët e UÇK-së, sepse të gjithë e dimë arsyen e tij ndaj UÇK-së, për shkaqe që, atëherë Tritani bënte drejtorin e ‘Shqiponjës’ kur Berisha furnizonte me naftë Millosheviçin”, tha Balla./CNA





Lajmet e fundit nga