E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

"Njeriu i Zotit krah Ramës, o Zot a je kund"?/ Gogu-Strazimirit: Ulem dhe me të akuzuar nga SPAK-u sepse nuk i gjykoj dot

29 Shtator 2025, 14:35, Politikë CNA

"Njeriu i Zotit krah Ramës, o Zot a je kund"?/ Gogu-Strazimirit:

Një debat i shoqëruar me batuta dhe ironi është zhvilluar në Kuvend mes deputetit të Partisë Demokratike Gent Strazimiri dhe ministrit Toni Gogu.

Strazimiri iu referua Gogut duke thënë se besimtarët janë në dyshim që një njeri i Zotit, që flet për Zotin, qëndron përkrah Edi Ramës. Deputeti demokrat rikujtoi edhe faktin që Partia Socialiste është vazhdim i Partisë Komuniste që prishi kisha e xhami.

“Kërkesë shumë procedurale që e kam me ju personalisht zoti Peleshi. Ndaleni këtë abuzim me deputetet e reja që u çoni të njëjtin tekst. Ndaleni që të flasin këtu. Ato nuk e mbulojnë dot zullumin që bëni ju. Tek ajo Akademia politike t’i kishit sqaruar se çfarë është Kushtetuta dhe rregullorja e Kuvendit. Kuvendi i dikurshëm, ku ishte Namik Dokle p.sh., janë shembuj që t’ju frymëzojnë, dhe jo 'sms' që ju vijnë. Të gjesh një njeri të Zotit, që flet për Zotin dhe të jetë ulur përkrah me Edi Ramën, me partinë që ka shkatërruar kisha dhe xhami, këtu çdo besimtar është në atë momentin e dyshimit. Oh Zot a je kund mo që e lë të rrijë në këtë sallë?!”, tha Strazimiri.

Gogu në përgjigjen e tij tha se është i privilegjuar që është në krah të kryeministrit Rama dhe i është dhënë bësim i padiskutuar për transformimin e vendit.

Gogu ironizoi edhe Berishën ku tha se ai sipas shkrimit të shenjtë nuk i gjykon dot kolegët e akuzuar për korrupsion nga Strukturat e Posaçme dhe ulet me përulësi edhe me ta.

"Jam i privilegjuar që jam në krah të kryeministrit të vendit, votuar nga shqiptarët me besim të padiskutuar, për transformimin total të vendit. Jam i përulur të ulem me kolegë, sepse këtu ndjek mësimet e besimit tim dhe shkrimit të shenjtë, të ulem me kolegë, që akuzohen nga Strukturat e Posaçme për korrupsion madhor dhe unë nuk i gjykoj dot, jam i përulur të ulem edhe me ta"./CNA