E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Murrizi telendis opozitën: Lëreni mbrojtjen e Veliajt se u bëtë gazi i Gazit, nxirrni një kandidat dinjitoz

29 Shtator 2025, 14:21, Politikë CNA

Murrizi telendis opozitën: Lëreni mbrojtjen e Veliajt se u

Ish-deputeti Myslim Murrizi ka reaguar ashpër pas miratimit të të gjitha komisioneve parlamentare dhe pranimit nga ana e opozitës të rregullores së re të Kuvendit, e cila u miratua vetëm me votat e mazhorancës.

Përmes një postimi në rrjetet sociale, Murrizi i është drejtuar me kritika të ashpra opozitës, duke thënë se duke e dredhur nuk ju besojnë më as qentë e rrugës dhe jo më demokratët.

Ai iu drejtua duke kërkuar që të bëjnë betejë në Parlament duke folur në foltore për shqiptarët me fakte e jo si servilë të pështirë që bëjnë "show" para kamerave.

“Sot u miratuan të gjitha komisionet parlamentare.

Pra, 'lufta' mbaroi dhe opozita pranoi rregulloren e ndryshuar të Kuvendit vetëm me votat e Rilindjes madje paska pasur 'sherr' të madh në Konferencën e Kryetarëve se po shkelet kjo rregullore.

M'u kujtua Kushtetuta e vitit 1998 kur PD thoshte nuk e njohim Kushtetutën dhe nuk morëm pjesë në referendum e pastaj të 'vrisnim' dhe bënim bee për Kushtetutën.

Oooo drejtues të PD dhe ju lider imagjinar të PD dhe grupit parlamentar!!!

A do ta mbani njëherë të vetme vetëm 1 muaj atë që thoni apo mendoni se të gjithë jemi debila si soji juaj që lëpijmë çfarë vjellim???

Mjaft më me 'luftë' dhe 'revolucione' si shurra e pulës se me këtë sjellje politike si dredhja e belit në valle dhe duke lëpirë pa u tharë mirë çfarë keni pështyrë nuk ju besojnë më as qentë e rrugës e jo DEMOKRATËT.

Bëni betejë në Parlament duke folur në foltore për Shqiptarët me fakte e jo si servilë të pështirë që të bëni shoë para kamerave”, shkruan Murrizi.

Më tej, i kërkoi opozitës të heqin dorë nga mbrojtja për Erion Velijan se u bënë gazi i Gazit dhe të gjejnë një kandidat dinjitoz për zgjedhjet në Bashkinë e Tiranës dhe të mobilizohet në fushatë, por pa legenë ordinerë, se me vemje nuk fitohet kurrë.

“Lëreni mbrojtjen për Erion Veliajn se u bëtë gazi i Gazit dhe nxirrni një kandidat dinjitoz për Bashkinë e Tiranës dhe për të gjitha bashkitë që do të shkojnë në zgjedhje e të mobilizohet çdo opozitar në fushatë, por pa legenë ordinerë si drejtues fushate se me vemje nuk fitohet kurrë”, tha Murrizi./ CNA