web counter
LEXO PA REKLAMA!

SHKARKO APP

App Store
Google Play

E fundit!

x

Takimi i PL-së në Skrapar/ Meta nga burgu: Do t'i japim zgjidhje të gjitha problemeve

14 Dhjetor 2024, 21:44, Politikë CNA
Takimi i PL-së në Skrapar/ Meta nga burgu: Do t'i japim zgjidhje
Ilir Meta

Ilir Meta edhe pse pas hekurave ka postuar një mesazh falenderues pas takimit të përfaqësuesve të partisë së Lirisë me strukturat drejtuese në Skrapar.

Kreu i PL-së, Meta shkruan në “Facebok” se këto 12 vite mashtrime nga “Rilindja” duhet të ndëshkohen masivisht më 11 maj.

Meta premton se prioritete e PL-së do t’i japin zgjidhje të drejtpërdrejtë problemeve më të mëdha që ka sot Skrapari.

"Ditë pranvere në Skrapar!

Falenderim dhe mirënjohje për drejtuesit, anëtarët dhe simpatizantët qëndrestarë dhe patriotë të Partisë së Lirisë që provuan sot se krenarinë e skraparlinjve nuk e kanë thyer dot as pushtuesit më të egër dhe jo më sorrat e pabesa të “Rilindjes” të kalbur në themele e çdo qelizë të saj të kriminalizuar dhe të korruptuar.

12 vjet “Rilindje” mavi dhe mashtrime duhen ndëshkuar masivisht në 11 Maj dhe unë kam besim të plotë në përgjegjshmërinë e skraparlinjve për të ardhmen e vendit.

Pesë Prioritetet tona madhore për 4 milion shqiptarë plus i japin zgjidhje të drejtpërdrejtë problemeve më të mëdha që ka sot Skrapari sepse i japin fund shpopullimit të kësaj treve patriotike dhe me potenciale të jashtëzakonshme për zhvillim, përmes mbështetjes së fuqishme për bujqësinë dhe blegtorinë me pagesa të drejtpërdrejta, për të rinjtë dhe të rejat e mrekullueshëm, si edhe për pensionistët që aq shumë kanë kontribuar për zhvillimin e vendit.

Malet tona më të larta!"/CNA





Lajmet e fundit nga