web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Kullat në Tiranë janë bosh, i kanë blerë trafikantët

14 Dhjetor 2024, 12:44, Politikë CNA
Berisha: Kullat në Tiranë janë bosh, i kanë blerë
Kryetari i Partisë Demokratike, Sali Berisha

Kryetari i Partisë Demokratike, Sali Berisha, në një takim me pensionistët në Elbasan, foli për kullat e ndërtuara në kryeqytet.

Berisha tha se kullat janë bosh të gjitha, pasi sipas tij, janë blerë nga trafikantët për pastrim parash.

Ai deklaroi se kjo ka rritur çmimet e apartamenteve në Tiranë dhe të rinjve u duhen 70 deri 100 vjet për të blerë një të tillë.

“I keni parë ju kullat në Tiranë? Pyesni sa përfitojnë nga këto kulla.

Ato janë bosh të gjitha sepse droga, trafiku i blen me kate.

Po çfarë ndodh? Ato kanë rritur çmimet, e kanë bërë apartamentin mollë të ndaluar për fëmijët tanë. Duhet të punojë nga 70 deri 100 vjet për të blerë një apartament në Tiranë.

Normale është që një i ri të ëndërrojë të ndërtojë të ardhmen aty ku është më mirë, po në Tiranë nuk prek dot asnjë çmim.

Pra, prapë rrokullisjen e sjell varfëria.

Dhe ne çfarë pësuam? Ne pësuam pakësimin, zbrazjen më të madhe të këtij vendi në histori.

Në 9 vitet e Edi Ramës, janë larguar nga Shqipëria, vetëm në hapësirën e BE, 1 milion e 99 mijë shqiptarë.

Gjenocid është kjo sepse ke përdorur varfërinë ti.

Edhe përpara kanë lëvizur, por deri në vitin 2013, Shqipëria po rritej në numër, nuk rritej shumë, por po rritej.

Dhe tani një rënie katastrofale dhe kjo rënie është rrezik ekzistencial për ne”, theksoi ish-kryeministri./ CNA





Lajmet e fundit nga