web counter
LEXO PA REKLAMA!

SHKARKO APP

App Store
Google Play

E fundit!

x

Rama krahason Shqipërinë me Britaninë/ Ka paga më të larta, por duhen dy punë për t’ja dalë”

14 Dhjetor 2024, 09:21, Politikë CNA
Rama krahason Shqipërinë me Britaninë/ Ka paga më të
Kryeministri Edi Rama

Kryeministri Edi Rama, në “podcast”-in e kësaj të shtune me shtetasin britanik Karl Roberts, bëri një krahasim të jetës në Shqipëri dhe në Britaninë e Madhe.

Rama tha se në Britani duhet të bësh dy punë për t’ja dalë dhe nuk mund të gjesh kohë për familjen

Ai deklaroi se pavarësisht se në Britani apo në vende të tjera të Evropës pagat janë më të mira, ka qira më të lartë, më shumë taksa dhe fatura për të paguar.

“Nuk di shumë për Britaninë, por kam ndjesinë se edhe nuk është e lehtë të gjesh atë ndjenjë komuniteti që ekzistonte dikur, është bërë shumë më i largët.

Isha në Londër për tu takuar me shqiptarët dhe historia e dëgjuar rëndom, shumë rëndom dhe po flas për njerëz që janë të stabilizuar, punojnë shumë, që nisi nga përpjekja për të bërë gjithçka dhe tashmë kanë familje, fëmijë. Ishte e njëjta gjë: Duhet të bësh dy punë, përndryshe nuk ia del dot.

Sigurisht që në disa aspekte është mirë për fëmijët, por nuk është kaq e mirë edhe fëmijët. Koha e lirë për të shpenzuar me familjen është zero.

Kam pasur këtu njerëz që kanë ardhur nga emigracioni dhe thonë të njëjtën gjë. Kur njerëzit i shohin pagat nga këtu dhe bëjnë krahasimin, sigurisht që është dallim i madh.

Por çfarë ka pas asaj page, kur vjen fjala për qiranë, taksat, fatura për të paguar, është e papërballueshme në Britani, apo kudo tjetër në Evropë.

Pra, duhet vendosur në peshore, por megjithatë  unë i kuptoj njerëzit që duan të sfidojnë veten, duke u përpjekur aty ku mendojnë se mundësitë janë më të mëdha. Kjo është normale”, theksoi kreu i qevrisë./ CNA





Lajmet e fundit nga