web counter
LEXO PA REKLAMA!

SHKARKO APP

App Store
Google Play

E fundit!

x

Sula, thirrje opozitës/ “Nëse nuk sakrifikoni dhe humbni zgjedhjet, s’dihet çfarë do të ndodhë”

28 Shtator 2024, 17:49, Politikë CNA
Sula, thirrje opozitës/ “Nëse nuk sakrifikoni dhe humbni
Deputeti i PD-së, Dashnor Sula

Deputeti i PD-së, Dashnor Sula, bëri një thirrje të fortë për opozitën, teksa komentoi burgosjen e Ervin Salianjit.

Sula tha në një dalje televizive se nëse PS fiton zgjedhjet nuk dihet se çfarë do të ndodhë me Shqipërinë.

Për këtë arsye, ai i kërkoi opozitës të sakrifikojë dhe të bashkohet. Deputeti deklaroi se është PD ajo që duhet të ndezë një shkëndijë për të ndezur zjarrin opozitar.

“Ervin Salianji po bën burgun tonë, sepse mesazhi është për ne, mbyllni gojën. Nëse ne jemi burra që tërhiqemi, që nuk sakrifikojmë, e thashë dhe në grupin parlamentar, mos rrini kot këtu, hapni rrugën të tjerëve nëse nuk bëni sakrifica personale. Nuk është më koha e fjalëve.

Nga ajo ditë unë kam bërë një kthesë 180 gradë, që tani nuk është më kritika brenda opozitës, edhe pse kemi probleme, por publikisht goja ime do të mbyllet vetëm e vetëm për t’i dhënë mundësinë kësaj opozite që ku jemi e ku nuk jemi të bashkohemi, sepse kemi vetëm dy rrugë; bashkimi që na çon drejt ndaljes së kësaj tiranie që po vendoset.

Mbajeni mend këtë që po ju them, nëse ndodh që këta të fitojnë përsëri, apo të kenë një numër të cilësuar këto do të ndryshojnë kushtetutën dhe nuk dihet se çfarë do të ndodhë me këtë vend.

Janë për t’u falënderuar ato pak media, ato pak gazetarë, ato pak personalitete që kanë integritet dhe po punojnë për të ndaluar këtë çmenduri që po ndodh. Kështu u instalua diktatura edhe në 1945, me Enver Hoxhën.

Edhe ata njerëz që ishin të shkolluar thoshin, leje, leje dhe u instalua diktaturë dhe erdhi 45 vite dhe thanë jemi të gjithë të vuajtur.

Sakrificën e parë duhet ta bëjë grupi parlamentar i PD, të ndezë një shkëndijë për të ndezur zjarrin opozitar, për të lëvizur dhe bërë të ndërgjegjshëm të gjithë qytetarët e tjerë. Nëse grupi parlamentar nuk e bën këtë lëvizje, fshihet, çfarë t’u kërkosh qytetarëve”, theksoi Sula./ CNA





Lajmet e fundit nga