web counter
LEXO PA REKLAMA!

SHKARKO APP

App Store
Google Play

Bardhi, përpjekje për të shpëtuar Salianjin/ Kërkon mbledhje urgjente të Këshillit të Mandateve

27 Shtator 2024, 10:43, Politikë CNA
Bardhi, përpjekje për të shpëtuar Salianjin/ Kërkon
Gazment Bardhi dhe Ervin Salianji në Gjykatën e Apelit

Grupi Parlamentar i Partisë Demokratike i është drejtuar me një letër Kuvendit, në lidhje me dënimin e deputetit Ervin Salianji me një vit burg.

Në emër të grupit, Gazment Bardhi i kërkon kryeparlamentares Elisa Spiropali të mbledhë urgjentisht Këshillin e Mandateve.

Bardhi e cilëson vendimin e Gjykatës së Apelit një akt hakmarrës politik, ndërsa kërkon të ruhet mandati i Salianjit.

"Me një akt hakmarrës politik, Gjykata e Apelit e Juridiksionit të Përgjithshëm, me vendim të datës 26 shtator 2024, ka urdhëruar burgosjen e një deputeti të Kuvendit të Shqipërisë, një zyrtari të opozitës, kolegut Ervin Salianji, për një krim të pakryer dhe për një çështje të fabrikuar nga segmente të caktuara të Policisë së Shtetit dhe Prokurorisë. Ky akt politik dhe që cenon themelet e shtetit demokratik, prek integritetin e Kuvendit të Shqipërisë dhe cenon mandatin e një deputeti të opozitës", thuhet ndër të tjera në kërkesë.

Kërkesa e grupit të PD-së:

“Lënda: ?Kërkesë për mbledhje urgjente të Këshillit për Rregulloren, Mandatet dhe Imunitetit

Drejtuar:          ?Znj. Elisa SPIROPALI

???Kryetare e Kuvendit

Znj. Kryetare e Kuvendit,

Me një akt hakmarrës politik,  Gjykata e Apelit e Juridiksionit të Përgjithshëm, me vendim të datës 26 Shtator 2024, ka urdhëruar burgosjen e një deputeti të Kuvendit të Shqipërisë, një zyrtari të opozitës, kolegut Ervin Salianji, për një krim të pakryer dhe për një çështje të fabrikuar nga segmente të caktuara të Policisë së Shtetit dhe Prokurorisë. Ky akt politik dhe që cenon themelet e shtetit demokratik, prek integritetin e Kuvendit të Shqipërisë dhe cenon mandatin e një deputeti të opozitës.

Po në një procedurë ekstra ligjore, pa autorizim të Kuvendit, me një nxitim të pa shpjegueshëm, Prokuroria po ndjek procedurën për arrestimin e deputetit të opozitës. Sipas nenit 73, pika 2, “Deputeti nuk mund të arrestohet ose t’i hiqet liria në çfarëdo lloj forme, apo ndaj tij të ushtrohet kontroll personal ose i banesës, pa AUTORIZIMIN e Kuvendit”.

Këto veprime të organeve të drejtësisë, që cenojnë parimet bazë të shtetit të së drejtës, kanë krijuar një situatë alarmante të goditjes politike ndaj opozitës. Dënimi pa ligj e prova i deputetëve të opozitës, duke shpërfillur autoritetin e Kuvendit të Shqipërisë, duke shkelur në mënyrë flagrante Kushtetutën e Republikës së Shqipërisë, duke mos arsyetuar masat represive ndaj deputetëve të opozitës, është akt i paprecedentë në një shtet demokratik.

Për këtë arsye, në përputhje me nenin 73, pika 2 e Kushtetutës, dhe nenit 13 të Rregullores, kërkojmë mbledhjen urgjente të Këshillit për Rregulloren, Mandatet dhe Imunitetin, për të rivendosur autoritetin e Kuvendit të Shqipërisë, frenimin e akteve politike ndaj deputetëve të Kuvendit të Shqipërisë, dhe rikthimin e kushtetutshmërisë”./ CNA

Bardhi, përpjekje për të shpëtuar Salianjin/ Kërkon





Lajmet e fundit nga