E fundit!

09:34 Aktualitet

Apel për kujdes nga temperaturat e larta/ Rrezik për të moshuarit dhe fëmijët

Temperaturat e larta që po përfshijnë vendin po rrisin rre...

Impiantet e trajtimit të ujërave/ PD: Bizneset e Pogradecit po kërcënohen, rrezikojnë falimentin

27 Shtator 2024, 14:10, Politikë CNA

Impiantet e trajtimit të ujërave/ PD: Bizneset e Pogradecit po

Kryetari i PD-së së Pogradecit, Genti Çela

Kryetari i PD-së së Pogradecit, Genti Çela, denoncoi presionin me gjoba për bizneset e Pogradecit.

Ai tha se sipërmarrësit janë të detyruar të instalojnë impiantet e trajtimit të Ujërave të Ndotura, kosto e papërballueshme për ta, por dhe e vlerësuar e panevojshme.

Sipas tij, kjo është bërë me anë të Aktit Normativ (nr 8 dt 28.12.2023), firmosur nga kryeministri Edi Rama.

Denoncimi i plotë:

Prej muajsh, ndaj bizneseve në Pogradec, ushtrohet një presion i egër dhe barbar, me metoda gjobëvënëse, për shitjen me detyrim të impianteve të trajtimit të Ujërave të Ndotura, çka në Pogradec është tërësisht e panevojshme.

Me anë të Aktit Normativ (nr 8 dt 28.12.2023) firmosur nga kryeministri, detyrohen të gjitha bizneset pranë zonave bregliqenore dhe bregdetare, të pajisen me impiante që variojnë nga 10-100 mijë € dhe 5 mijë € çdo vit për mirëmbajtjen.

Shumë që rrezikon seriozisht falimentin e mijëra bizneseve në vend.

Vlen të kujtohet fakti se në vitin 2008, ish-kryeministri Sali Berisha, përuroi në Pogradec kolektorin e përpunimit të ujërave të zeza, me kapacitet deri në 300 mijë banorë.

Kapacitet katër herë më i lartë se numri aktual i banorëve të Rrethit të Pogradecit.

Falë atij kolektori, liqeni i Pogradecit është pastruar plotësisht duke u anëtarësuar në UNESCO, organizatë nga e cila sot, jemi të rrezikuar të përjashtohemi për shkak të batërdisë së ndërtimeve shumëkatëshe fare pranë liqenit.

Disa prej të cilave me pronar të afërm të ish-deputetit të Pogradecit Fatmir Xhafaj.

Presioni ndaj bizneseve është qartësisht GJOBËVËNIE! në interes të kompanive pranë pushtetit.

Partia Demokratike do të kallëzojë në Prokurori këdo gjobëvës ndaj aktiviteteve në Pogradec dhe kudo tjetër.

Partia Demokratike do te jete pranë qytetarëve dhe bizneseve të cilët përballen çdo ditë me taksidarët, të cilët shpesh trajtohen në formë gjobe, me paga mujore nga bizneset./ CNA