web counter
LEXO PA REKLAMA!

SHKARKO APP

App Store
Google Play

Shehi, kundër protestës së PD-së/ “Qesharake, nuk bie shteti se u dënua Salianji”

27 Shtator 2024, 12:52, Politikë CNA
Shehi, kundër protestës së PD-së/ “Qesharake, nuk bie
Kryetari i LZHK-së, Dashamir Shehi

Kryetari i LZHK-së, Dashamir Shehi, ka kundërshtuar Partinë Demokratike për protestat e thirrura pas dënimit të deputetit Ervin Salianji me një vit burg.

Shehi tha në një dalje televizive se opozita duhet të ngrihet në këmbë për çështje më të mëdha dhe jo për një vendim gjykate.

Ai deklaroi se Salianji ka pasur 5 vite kohë që të mbronte veten dhe vendimi i Gjykatës së Apelit nuk rrëzon shtetin.

“Që drejtësia jonë nuk është perfekte këtë punë e dimë të gjithë. Por që ne i kemi dalë për zot drejtësisë së re, shohim element të rinovueshëm, dhe do ta mbështesim. Ky vendim a është i drejtë, unë s’jam gjykatës e prokuror. Ne mbrojmë drejtësinë, për dreq këta gjykatës paskan qenë për vulën e po këta qenkan edhe për këtë çështje.

Them që kjo temë ka 500 veta, ai zotëri ka qenë 5 vite me radhë dhe ka pasur mundësi të mbrojë veten. Opozita duhet të ngrihet në këmbë, dhe të ngrejë popullin në këmbë për rininë që po ikën, pensionet mizerie, çështjet tona kombëtare, për shtetin që po bie. Se shteti nuk po bie se po fut Salianjin në burg, por para dy javësh me vendimin e Gjykatës Kushtetuese.

Tani do presim Venecian. Atë ditë opozita duhej të thoshte, po rrëzohet shteti. Shteti nuk po rrëzohet se po arrestohet Salianji. Ne jemi gati për protestë, për demonstratë për hallet e mëdha që ka vendi, krimi i organizuar, korrupsioni qeveritar, fukarallëku i pensionistëve, rrogat e vogla. Për të mbrojtur të drejtat e liritë tonë po”, u shpreh ai.

Kreu i LZHK-së deklaroi se një protestë pro Salianjit do ta bënte opozitën qesharake.

“Se do na bëjë qesharake situatën opozitare pastaj. Se na u dënua një koleg për një vit, kjo do ta lodhë shqiptarin, opozitarin, kauzat e mëdha. Jemi për demonstratë sikurse kemi marrë pjesë për 30 e ca vite me radhë dhe do marrim, por deri te Berisha shkon kjo punë se është personazh historik me të mirat e të këqijat e veta, por për çdo deputet që mund të ketë bërë dhe ai zullumet e veta, i humbim seriozitetin opozitës”, theksoi Dashamir Shehi./ CNA





Lajmet e fundit nga