web counter
LEXO PA REKLAMA!

SHKARKO APP

App Store
Google Play

E fundit!

x

SPAK asnjë hetim ndaj tij/ Këlliçi: Batoni dhe Bollino nuk po ia dalin me shantazhimet

17 Shkurt 2024, 14:22, Politikë CNA
SPAK asnjë hetim ndaj tij/ Këlliçi: Batoni dhe Bollino nuk po
Belind Këlliçi

Pas përgjigjes zyrtare nga SPAK për CNA se nuk ka asnjë hetim ndaj Belind Këlliçit, ka ardhur një reagim në rrjetet sociale edhe nga vetë ky i fundit.

Ai thekson se sado që Baton Haxhiu dhe Carlo Bollino të tentojnë ta shantazhojë për të ndalur punën e nisur me faktet për inceneratorin e Tiranës, nuk do ia dalin dot.

Koordinatori i PD për Tiranën dhe anëtari i Kryesisë së Partisë Demokratike, thekson se tentativat për të shantazhuar e baltosur këdo që denoncon me fakte e prova të pakontestueshme korrupsionin dhe llumin e kësaj qeverie, thjesht sa e motivojnë më shumë në punën e përditshme.

Reagimi i plotë:

Po tani çfarë gënjeshtre tjetër do të thotë Batoni i paguar nga inceneratorët dhe Carlo i kallëzuar në SPAK për grabitje të pronës publike dhe i paguar nga inceneratori fantazmë i Tiranës???!!! Tentativat për të shantazhuar e baltosur këdo që denoncon me fakte e prova të pakontestueshme korrupsionin dhe llumin e kësaj qeverie, thjesht sa na motivojnë më shumë në punën tonë të përditshme.
Gjej rastin dhe njëherë të falenderoj Grupin e Ekspertëve pranë Partisë Demokratike për punën e shkëlqyer në demontimin me fakte konkrete të aferës së shekullit dhe garantojmë sërish qytetarët, se çështjes së Inceneratorit fantazmë të Tiranës, do t’i shkojmë deri në fund.
Sado që pronari faktit Erion Veliaj, përmes veglave të tij si Bollino e Batoni, të tentojë të na shantazhojë për të ndalur punën e nisur, nuk do i’a dalë dot. E vërteta është arma jonë më e fortë në këtë betejë.
PS: Një falenderim i veçantë për ato pak media kurajoze që nuk ndalën kurrë së foluri për këtë aferë, e në mënyrë të veçantë cna.al/CNA 

 

 





Lajmet e fundit nga