web counter
LEXO PA REKLAMA!

SHKARKO APP

App Store
Google Play

E fundit!

x

“Skema” e investimeve/ Artan Hoxha: Kryebashkiakët të kapur në nepotizëm, konkurrojnë me bizneset

7 Prill 2026, 12:21, Politikë CNA

“Skema” e investimeve/ Artan Hoxha: Kryebashkiakët të

Gazetari Artan Hoxha u shpreh sot se mënyra se si procedohet me investimet dhe tenderët në Shqipëri i afrohet nepotizmit.

I ftuar në “Syri TV”, Hoxha tha se kryebashkiakët shqiptarë përdorin të gjitha mjetet për të hyrë si aksionerë të plotë bashkë me njerëzit e tyre më të afërt.

Sipas Hoxhës, këta zyrtarë janë kthyer tashmë në konkurrentët kryesorë të ekonomisë së lirë, të biznesmenëve dhe të investitorëve historikë që ka pasur Shqipëria.

“Sigurisht që nuk është shumë e lehtë të bësh biznes, por biznes bëjnë ata që janë punonjës nëpër zyrat e shtetit.

Tani është më se e qartë që zyrtarë të ulët, të lartë apo qoftë dhe të mesëm, kanë hyrë përmes këtyre skemave, kanë hyrë përmes investimeve kryesisht në ndërtim dhe këtë ndërtim më tepër e kanë zhvilluar kryesisht në zonat bregdetare, por edhe në zonën e kryeqytetit, territore tokësore që kanë më tepër interes për ndërtimin dhe që fitimi është i dukshëm sepse hyjnë me një leje ndërtimi dhe pa bërë dhe pa hedhur as edhe një kovë llaç, ti mund të marrësh diku te 500 apo 600,000 euro, vetëm për të shitur lejen e ndërtimit.

Shpikën '5D'-në e famshme dhe pastaj e zhvilluan këta bishtat e tjerë në episode sporadike, por që në fakt ishte e njëjta formulë qoftë nga zyrat e shtetit dhe më pas në terren. Çfarë ndodhte? Ata që ishin në zyrat e shtetit, ata merrnin lejet e zhvillimit të shesheve të ndërtimit. Ata që ishin në zyrat e shtetit, ata merrnin lejet e ndërtimit. Dhe më pas këta, pa pasur as edhe një mundësi, qoftë teknike, qoftë njohuri për ndërtimin, këtë leje ta shisnin ty. Dhe ti pastaj si ndërtues e zhvilloje. Këta hoqën pjesën e ndërtuesit si aplikant dhe hynë vetë aplikantë në zyrat ku ata vetë punonin, të urbanistikës.

Vetë ata që kishin vulën, kishin firmën nëpër zyra, vetë ata aplikuan dhe morën këto leje dhe më pas këto leje i shitën duke ua dhënë biznesmenëve që kishin një eksperiencë dhe kishin agregatët e teknologjinë për të ndërtuar pallate apo qoftë dhe infrastrukturë publike siç ishin rrugët.

Tani këtë pjesën që e merrnin vetë dhe e shisnin diku te 50% apo 60%, së fundmi kanë arritur që ta ndërtojnë vetë dhe infrastrukturën logjistike dhe më pas të hyjnë te pjesa e fitimit 100%. Që do të thotë, vetë firmosin, vetë i bëjnë letrat...

Vetë vulosin, vetë miratojnë, vetë ndërtojnë dhe në fund vetë shesin. Dhe kjo ka ndodhur me '5D'-në, ka ndodhur me drejtorët e thjeshtë, siç dhe ju e përmendët. Ka filluar të aplifikohet edhe nëpër kryetarët e bashkive të qyteteve më të vogla, të cilat kanë hapur kompani...

Po, kanë hapur kompani pastrimi për mbeturinat. Dikur këta tenderë të bashkive i merrnin kompanitë private dhe bënin një ndarje proporcionale me kryetarët e bashkive, ndërkohë tani kryetarët e bashkive kanë hyrë vetë aksionerë me 100% me djalë xhaxhai, me dhëndrin, me mbesën, me motrën, duke arritur që të marrin edhe këta pak tenderë që janë për pastrimin e qyteteve. Jo vetëm që po e nxjerrin jashtë loje, po këta janë kthyer tashmë në konkurrentët kryesorë të ekonomisë së lirë, janë kthyer në konkurrentët kryesorë të biznesmenëve dhe të investitorëve historikë që ka pasur Shqipëria”,-u shpreh Hoxha./CNA





Lajmet e fundit nga