web counter
LEXO PA REKLAMA!

SHKARKO APP

App Store
Google Play

E fundit!

x

Si e injoronte ambasadorja e SHBA-së, Ilir Beqajn

4 Korrik 2024, 20:00, Politikë CNA
Si e injoronte ambasadorja e SHBA-së, Ilir Beqajn
Ilir Beqaj dhe Yuri Kim

Ilir Beqaj, ish-ministri i Shëndetësisë këtë të enjte është vënë në pranga me urdhër të SPAK-ut. Prokuroria e Posaçme e akuzon Beqajn se abuzoi me fondet e Agjencisë Shtetërore të Programimit Strategjik dhe Koordinimit të Ndihmës (SASPAC), kur ishte në krye të këtij institucioni përgjatë vitit të fundit.

Prokuroria e Posaçme thotë se Ilir Beqaj kreu procedura prokurimi fiktive në krye të këtij institucioni, duke organizuar një skemë mashtrimi për përfitim në lidhje me një restorant në qendër të Tiranës, pas të cilit fshihet vetë Beqaj. Gjithashtu, SPAK thotë se Ilir Beqaj e ka fshehur pasurinë që nga viti 2020 e në vazhdim.

Beqaj shpesh ka mbajtur poste të rëndësishme dhe është promovuar nga vetë kreu i qeverisë, Edi Rama, i cili më herët i ka dalë dhe në mbrojtje duke thënë se fakti që dikush është nën hetim, nuk tregon asgjë. Ndërsa më pas e ka lëshuar, siç lëshon çdo socialist, duke thënë se përgjegjësia është individuale.

Beqaj ndër vite është akuzuar se ka abuzuar me një sërë postesh që ka mbajtur dhe shpesh promovimi që i është bërë nga socialistët, nuk është mirëpritur as nga ndërkombëtarët.

Kujtojmë rastin e 24 Nëntorit të vitit 2021, kur ish-ambasadorja e Shteteve të Bashkuara të Amerikës në Shqipëri, Yuri Kim, fill pasi mori fjalën Ilir Beqaj, asokohe drejtuesi i Agjencisë së Menaxhimit të Fondeve të Donatorëve, është larguar nga takimi konsultativ që zhvillonte Ministria e Brendshme me donatorët, takim i cili në fokus kishte luftën kundër krimit, veçanërisht pastrimin e parave dhe krimet kibernetike për një Shqipëri më të sigurt.

Si e injoronte ambasadorja e SHBA-së, Ilir Beqajn

Kim ka mbyllur dosjen dhe është ngritur nga tavolina, ku në të majtë të saj ndodhej ministri i atëhershëm i Brendshëm, Bledi Çuçi dhe ish-ambasadori i Bashkimit Evropian, Luigi Soreca.

Në atë kohë u tha se Yuri Kim u ngrit nga tryeza pasi nuk ishte parashikuar në agjendë që do të mbante fjalën Beqaj, ndërsa u pa edhe si një formë demonstrative e diplomates për emërimin e Beqajt në një post të rëndësishëm si drejtues i Agjencisë së Donatorëve.

Agjencia në të cilën u vu drejtues Beqaj asokohe kishte rol koordinues, ndërsa në bashkëpunim me Ministrinë e Financave dhe komunitetin e donatorëve kishte për qëllim të koordinonte të gjithë ndihmën e huaj që do të merrte qeveria shqiptare për programe dhe projekte zhvillimore.

Këtë të enjte, SPAK ka konfirmuar zyrtarisht se Beqaj përgjatë viteve 2022-2023 teksa ishte në krye të një tjetër agjencie, SASPAC-ut, në vend të menaxhimit të fondeve evropiane, ka abuzuar me milionat e ndihmës dhënë nga Bashkimi Evropian për vendin tonë./ CNA





Lajmet e fundit nga