web counter
LEXO PA REKLAMA!

SHKARKO APP

App Store
Google Play

Samiti i Berlinit/ Kryeministri grek mbërrin në Tiranë, pritet nga ministri Hasani

16 Tetor 2023, 10:52, Politikë CNA
     
Samiti i Berlinit/ Kryeministri grek mbërrin në Tiranë, pritet

 

Mëngjesin e së hënës, Ministri për Evropën dhe Punët e Jashtme, Igli Hasani, mirëpriti në Rinas, kryeministrin e Greqisë, Kyriakos Mitsotakis në kuadër të Samitit Procesit të Berlinit, që po zhvillohet për herë të parë në një vend të Ballkanit Perëndimor.

Samiti i Pocesit të Berlinit do të zhvillohet te Piramida, ashtu siç CNA e kishte paralajmëruar pak ditë më parë.

Një ditë më parë në kryeqytet ka mbërritur Presidentja e Komisionit Europian, Ursula von der Leyen, e cila në konferencë u shpreh se Shqipëria është në rrugën drejt integrimit në BE.

Mësohet se pas ceremonisë së pritjes, kryeministri Rama, kancelari gjerman Olaf Scholz, Presidentja e KE Ursula von der Leyen dhe Presidenti i Këshillit të Evropës Charles Michel, do të mbajnë një fjalim përshëndetës. 

Sa i përket mungesës së Presidentit të Francës, Emanuel Macron, u zbulua se ky i fundit do të mungojë në punimet e samitit për shkak të një ngjarjeje të rëndë në Francë, që e ka detyruar të shtyjë vizitën e tij në Shqipëri me disa orë.

Macron pritet të mbërrijë në Shqipëri rreth pasdites, ku do të zhvillojë një takim zyrtar me kryeministrin Rama, i cili do t’i akordojë edhe një titull në nderim për aktet e tij për Shqipërinë.

Sakaq, në takimin e sotëm nuk do të jetë i pranishëm Presidenti i Serbisë, Aleksandër Vuçiç, por kryeministrja Ana Brnabiç. 

Ndërkohë presidenti i Serbisë, Aleksandër Vuçiç po udhëton drejt Kinës, ku do të marrë pjesë në forumin e tretë “Belt and Road”. Në këtë forum do të jetë i pranishëm edhe presidenti i Rusisë, Vladimir Putin./CNA

 





Lajmet e fundit nga