web counter
LEXO PA REKLAMA!

SHKARKO APP

App Store
Google Play

E fundit!

x

Bombardimet mbi Gaza/ Arabia Saudite i kërkon Shqipërisë të ndikojë në Këshillin e Sigurimit

14 Tetor 2023, 11:39, Politikë CNA

Bombardimet mbi Gaza/ Arabia Saudite i kërkon Shqipërisë të

Ministri i Jashtëm i Arabisë Saudite, princi Faisal bin Farhan Al-Saud zhvilloi një bisedë telefonike me homologun e tij shqiptar, Igli Hasanin. 

Mediat e huaja raportojnë se gjatë bisedës telefonike, kryefjalë ishte lufta në Izrael ku diskutuan mbi zhvillimet në Gaza dhe më gjerë dhe përpjekjet ndërkombëtare për këtë çështje, për të siguruar jetën e civilëve dhe respektimin e ligjit humanitar ndërkombëtar.

Mësohet se Faisal bin Farhan Al-Saud ka nxitur Shqipërinë, në rolin e saj si një anëtare jo e përhershme e Këshillit të Sigurimit, të punojë për të siguruar që ky institucion të përmbushë përgjegjësinë e tij për ruajtjen e paqes dhe sigurisë ndërkombëtare.

Sipas ministrit të Jashtëm arab Shqipëria duhet të punojë për ndërprerje të menjëhershme të operacioneve ushtarake dhe heqjen e rrethimit në Gaza. 

Faisal bin Farhan Al-Saud theksoi rëndësinë e zbatimit të vendimeve të Këshillit në lidhje me çështjen palestineze, Rezolutat e veçanta 242 (1967), 338 (1973), 1515 (2003) dhe 2334 (2016), për të vendosur një të drejtë dhe të qëndrueshme, zgjidhja e çështjes palestineze në përputhje me referencat ndërkombëtare./CNA

 

 





Lajmet e fundit nga